പഴയലെക്കിടി: സംസ്ഥാനപാതയില് പഴയലെക്കിടി രണ്ടാം വില്ളേജ് ഓഫിസിന് സമീപം നിയന്ത്രണംവിട്ട കാര് ബൈക്ക് യാത്രക്കാരനെ ഇടിച്ചുവീഴ്ത്തി സമീപത്തെ വീട്ടിലേക്ക് പാഞ്ഞുകയറി. അപകടത്തില് രണ്ടുപേര്ക്ക് പരിക്കേറ്റു. ബൈക്ക് യാത്രികന് പഴയലെക്കിടി വട്ടുണ്ടല് ഇബ്രാഹിം (35), കാര് യാത്രക്കാരനായ മധുര സ്വദേശി മുരുകന് എന്നിവര്ക്കാണ് പരിക്കേറ്റത്. ഇരുവരെയും ഒറ്റപ്പാലത്തെ സ്വകാര്യ ആശുപത്രിയില് പ്രവേശിപ്പിച്ചു. തിങ്കളാഴ്ച രാവിലെ എട്ടിനാണ് അപകടം. ഒറ്റപ്പാലം ഭാഗത്തുനിന്ന് പാലക്കാട് ഭാഗത്തേക്ക് പോകുകയായിരുന്ന കാര് നിയന്ത്രണംവിട്ട് ബൈക്ക് യാത്രികനെ ഇടിച്ചശേഷം പുളിക്കലാക്കല് മുഹമ്മദ് ബഷീറിന്െറ വീടിന്െറ മതിലിലേക്ക് പാഞ്ഞുകയറിയാണ് നിന്നത്. ഇടിയുടെ ആഘാതത്തില് കാര് മതിലില് കുരുങ്ങി പിന്ഭാഗം ഒന്നരമീറ്റര് ഉയരത്തില് പൊങ്ങിക്കിടന്നു. അപകടം നടന്ന സ്ഥലത്തിന് സമീപത്ത് തന്നെയായിരുന്നു ബൈക്ക് യാത്രികനായ വട്ടുങ്ങല് ഇബ്രാഹിമിന്െറ വീട്. അപകടത്തില് ബൈക്കും കാറിന്െറ മുന്ചക്രവും തകര്ന്നു. അപകടത്തില്പെട്ടവരെ നാട്ടുകാരാണ് ആശുപത്രിയിലത്തെിച്ചത്. കാറിന്െറ മുന്ഭാഗത്തെ ടയര് പൊട്ടിയതാണ് അപകട കാരണമെന്ന് പറയപ്പെടുന്നു. ഹൈവേ പൊലീസും സംഭവസ്ഥലത്തത്തെിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.