ആലത്തൂര്: പ്രവര്ത്തനം നിലച്ച സര്ക്കര് മോഡേണ് റൈസ്മില് ഒരു വര്ഷത്തിനകം പ്രവര്ത്തനക്ഷമമാക്കുമെന്ന് കൃഷി മന്ത്രി വി.എസ്. സുനില് കുമാര്. റൈസ് മില് സന്ദര്ശിച്ച ശേഷമാണ് മന്ത്രി ഇക്കാര്യം അറിയിച്ചത്. വെജിറ്റബ്ള് ആന്ഡ് ഫ്രൂട്ട് പ്രമോഷന് കൗണ്സില് (വി.എഫ്.പി.സി.കെ) പരമാവധി വിത്തുല്പാദനം നടത്തണമെന്നും ഉല്പാദിപ്പിക്കുന്ന വിത്തിന്െറ ഗുണമേന്മ ഉറപ്പുവരുത്തണമെന്നും അദ്ദേഹം പറഞ്ഞു. വി.എഫ്.പി.സി.കെ വിത്തുല്പാദന കേന്ദ്രവും ഫാമുകളും മന്ത്രി സന്ദര്ശിച്ചു. വിത്തുകളുടെ പാക്കിങ്ങും ലേബലിങ്ങും കൃത്യതയോടെ ചെയ്തിരിക്കണം. കൂടാതെ ആദിവാസി മേഖലകളില് നിന്നുള്ള പരമ്പരാഗത വിത്തുകളുടെ ഉല്പാദനവും റാഗി, ചോളം, ഉഴുന്ന്, ചെറുപയര്, മുതിര തുടങ്ങിയവയും മാവ് പോലുള്ള വിവിധ ഫലവൃക്ഷങ്ങളുടെ വിത്തുല്പാദനവും ഊര്ജിതമാക്കണമെന്ന് മന്ത്രി കര്ഷകരുമായി നടത്തിയ ചര്ച്ചയില് പറഞ്ഞു. കാര്ഷിക വികസന കര്ഷക ക്ഷേമ വകുപ്പ് ഉദ്യോഗസ്ഥരും വി.എഫ്.പി.സി.കെ ജീവനക്കാരും വെയര് ഹൗസിങ് കോര്പറേഷന് ഉദ്യോഗസ്ഥരും മന്ത്രിയെ അനുഗമിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.