പാലക്കാട്: ഒറ്റപ്പാലം ജോയന്റ് ആര്.ടി.ഒയും തൃശൂര്, പാലക്കാട് എന്ഫോഴ്സ്മെന്റ് സ്ക്വാഡും പൊലീസും സംയുക്തമായി നടത്തിയ വാഹന പരിശോധനയില് 52, 000 രൂപ പിഴ ഈടാക്കി. ഹെല്മറ്റ് ഇല്ലാതെ വാഹനമോടിച്ച 15 പേര്ക്കെതിരെ നടപടി സ്വീകരിച്ചു. രജിസ്ട്രേഷന് ഇല്ലാത്ത ഏഴ് വാഹനങ്ങള്ക്കെതിരെയും ഫിറ്റ്നസ് എടുക്കാത്ത നാല് വാഹനങ്ങള്ക്കെതിരെയും കേസ് രജിസ്റ്റര് ചെയ്തു. അശ്രദ്ധമായി വാഹനം ഓടിച്ച എട്ട് പേര്ക്കെതിരെ കേസെടുത്തു. നികുതി ഒടുക്കാത്ത മൂന്ന് വാഹനങ്ങളും ഇന്ഷുറന്സ് ഇല്ലാത്ത മൂന്ന് വാഹനങ്ങള്ക്കെതിരെയും നടപടി സ്വീകരിച്ചു. എയര്ഹോണ് ഉപയോഗിച്ച 16 ബസുകള്ക്കെതിരെയും ടിക്കറ്റ് നല്ക്കാത്ത 12 ബസുകള്, ഹാന്ഡ് ബ്രേക്കില്ലാത്തതും സ്പീഡ് ഗവേണര് ഇല്ലാത്തതുമായ ഓരോ ബസുകള് വീതവും കണ്ടക്ടര് ലൈസന്സ് ഇല്ലാത്ത രണ്ട് പേര്ക്കെതിരെയും അമിതഭാരം കയറ്റിവന്ന ഒരു വാഹനത്തിനെതിരെയും നടപടിയെടുത്തു. ആകെ 169 കേസുകള് രജിസ്റ്റര് ചെയ്തതായും വരും ദിവസങ്ങളില് പരിശോധന തുടരുമെന്നും എന്ഫോഴ്സ്മെന്റ് ആര്.ടി.ഒ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.