പാലക്കാട്: ഒ.വി. വിജയന് സ്മാരക സമുച്ചയത്തിന്െറ നിര്മാണ പ്രവര്ത്തനങ്ങള് ജില്ലാ കലക്ടര് പി. മേരിക്കുട്ടി വിലയിരുത്തി. ഈ വര്ഷം തന്നെ നിര്മാണം പൂര്ത്തിയാക്കാന് കലക്ടര് നിര്ദേശിച്ചു. ആദ്യ ഘട്ടത്തില് 94 ലക്ഷം രൂപ ചെലവഴിച്ചാണ് നിര്മാണ പ്രവര്ത്തനങ്ങള് നടപ്പാക്കുന്നത്. ലൈബ്രറി ഹാള്, കോണ്ഫറന്സ് ഹാള്, റീഡിങ് റൂം എന്നിവ സമുച്ചയത്തില് സജ്ജീകരിക്കും. നിര്മിതികേന്ദ്രയാണ് സമുച്ചയത്തിന്െറ നിര്മാണം ഏറ്റെടുത്തിരിക്കുന്നത്. രണ്ടാംഘട്ടമായി കലാ-സാഹിത്യ രംഗത്ത് പ്രവര്ത്തിക്കുന്നവര്ക്കും റിസര്ച് വിദ്യാര്ഥികള്ക്കും താമസിച്ച് പഠനം നടത്താനും സാഹിത്യസൃഷ്ടി നടത്താനും സമുച്ചയത്തില് സംവിധാനം ഒരുക്കും. ഒ.വി. വിജയന് സ്മാരക ഞാറ്റുപുര കഴിഞ്ഞ മാര്ച്ച് 30ന് സാംസ്കാരിക വകുപ്പു മന്ത്രി കെ.സി. ജോസഫ് നാടിനു സമര്പ്പിച്ചിരുന്നു. ഒ.വി. വിജയന് സ്മാരക സമിതി സെക്രട്ടറി കെ. അബ്ദുല് അസീസ്, സമിതിയംഗം പി. മോഹനകുമാരന്, ഫിനാന്സ് ഓഫിസര് കെ. വിജയകുമാര്, ബില്ഡിങ്സ് അസി. എന്ജിനീയര് പി.കെ. രാജന് എന്നിവര് കലക്ടറെ അനുഗമിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.