കാളികാവ്: കാർഗിൽ യുദ്ധത്തിൽ വീരമൃത്യു വരിച്ച അബ്ദുൽ നാസറിൻെറ ഓർമകൾ പങ്കുവെച്ച് കാളികാവ് ബസാർ സ്കൂളിൽ അനുസ്മര ണ പരിപാടി സംഘടിപ്പിച്ചു. വിദ്യാലയത്തിലെ പൂർവ വിദ്യാർഥിയായിരുന്ന അബ്ദുൽ നാസർ 1999ലെ കാർഗിൽ വിജയദിനത്തിൻെറ തലേദിവസമാണ് പാക് ഷെല്ലാക്രമണത്തിൽ വീരമൃത്യു വരിച്ചത്. വിദ്യാലയം സോഷ്യൽ സയൻസ് ക്ലബിൻെറ നേതൃത്വത്തിലാണ് ചടങ്ങ് സംഘടിപ്പിച്ചത്. കാളികാവ് ഗ്രാമപഞ്ചായത്ത് പ്രസിഡൻറ് നജീബ് ബാബു ഉദ്ഘാടനം ചെയ്തു. വീരജവാൻെറ പിതൃസഹോദരൻ അബ്ദുറഹ്മാൻ, സഹോദരൻ സമീർ എന്നിവർ ചേർന്ന് സ്മൃതിമണ്ഡപത്തിൽ പുഷ്പാർച്ചന നടത്തി. പി.ടി.എ പ്രസിഡൻറ് പി. മഹ്സൂം, സ്റ്റാഫ് സെക്രട്ടറി അബ്ദുറഹ്മാൻ, പി. മുഹമ്മദാലി തുടങ്ങിയവർ സംസാരിച്ചു. ഹെഡ്മാസ്റ്റർ അബ്ദുൽ ജബ്ബാർ അധ്യക്ഷത വഹിച്ചു. സ്കൂൾ ലീഡർ വി.പി. നജ്ല സ്വാഗതവും കെ. മുനീർ നന്ദിയും പറഞ്ഞു. Photi കാളികാവ് ബസാർ ജി.യു.പി സ്കൂളിൽ നടന്ന വീരജവാൻ അബ്ദുൽ നാസർ അനുസ്മരണം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.