മങ്കട: ഗതാഗതക്കുരുക്കും യാത്രാക്ലേശവും നിത്യസംഭവമായ മങ്കട ടൗണിൽ റോഡിലെ കിടങ്ങുകള് അപകടഭീഷണിയാകുന്നു. അധിക ൃതരുടെ അശ്രദ്ധ കാരണം യഥാസമയം അറ്റകുറ്റ പ്രവൃത്തികള് ഇല്ലാത്തതിനാല് തിരക്കേറിയ ടൗണിലെ പ്രശ്നങ്ങള് എന്നും അവഗണനയിലാണ്. മേലെ അങ്ങാടിയില് മഞ്ചേരി റോഡിലെ ബസ് സ്റ്റോപ്പിന് സമീപമായി മഴവെള്ളം ഒഴുകി രൂപപ്പെട്ട കിടങ്ങ് മാസങ്ങളായി അപകടം സൃഷ്ടിക്കുന്നു. മലപ്പുറം റോഡില്നിന്ന് ഒഴുകിയെത്തുന്ന മഴവെള്ളം ഓടകള് അടഞ്ഞതുകാരണം ജങ്ഷനിലേക്ക് ഇറങ്ങി മഞ്ചേരി റോഡിലൂടെ ഒഴുകി പോവുകയാണ്. ഈ ഭാഗത്താണ് വലിയ കിടങ്ങ് രൂപപ്പെട്ടത്. കഴിഞ്ഞവര്ഷം ഇത് താല്ക്കാലികമായി അടച്ചിരുന്നെങ്കിലും മഴ വന്നതോടെ വീണ്ടും പഴയപടിയായിരിക്കുകയാണ്. മഞ്ചേരി ഭാഗത്തേക്കുള്ള ബസ് സ്റ്റോപ്പ് ഇവിടെയാണ്. യാത്രക്കാര്ക്കും കാല്നടക്കാര്ക്കും കുഴി ഒരുപോലെ അപകടഭീഷണിയാകുന്നു. താഴെ കോവിലകം റോഡ് ജങ്ഷനില് കഴിഞ്ഞവര്ഷം റോഡിന് കുറുകെ കീറി മൂടിയ ഭാഗം വീണ്ടും അടര്ന്നുപോയതോടെ നടുറോഡില് കുഴികള് രൂപപ്പെട്ടിരിക്കുകയാണ്. ഇരുചക്രവാഹനങ്ങളടക്കം അപകടത്തില് പെടാന് ഇത് കാരണമാകുന്നുണ്ട്. ചിത്രം: Mankada Town മങ്കട ടൗണിൽ മേലെ അങ്ങാടിയില് റോഡിലെ കിടങ്ങ്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.