നിലമ്പൂർ: മുഖ്യമന്ത്രിയുടെ ദുരിതാശ്വാസ നിധിയിലേക്ക് നിലമ്പൂർ ഫാത്തിമാഗിരി ഇംഗ്ലീഷ് സ്കൂളിലെ അധ്യാപകരും വിദ്യാർഥികളും ചേർന്ന് സമാഹരിച്ച ഒരുലക്ഷം രൂപ സംഭാവന ചെയ്തു. ഓണാഘോഷവും കലോത്സവവും അധ്യാപകദിനാഘോഷവും മാറ്റിവെച്ച് അതിലേക്കുള്ള നീക്കിയിരിപ്പും ചേർത്താണ് ഒരുലക്ഷം രൂപ നൽകിയത്. സ്കൂളിൽ ഏറ്റവും കൂടുതൽ തുക സമാഹരിച്ച വിദ്യാർഥിയായ എ.എം. മിഥുന് കേരള ഫ്ലഡ് റിലീഫ് റെസ്ക്യൂ ഓപറേഷന് ജില്ല കലക്ടറിൽനിന്ന് അവാർഡും കാഷ് അവാർഡും ലഭിച്ചിട്ടുണ്ട്. ഈ തുകയും മിഥുൻ ദുരിതാശ്വാസ നിധിയിലേക്ക് കൈമാറി. സ്കൂൾ മാനേജർ സിസ്റ്റർ ജോവീറ്റ, പ്രിൻസിപ്പൽ സിസ്റ്റർ മരിയ ആൻസി, പി.ടി.എ പ്രസിഡൻറ് അഡ്വ. ഷെറി ജോർജ്, വൈസ് പ്രസിഡൻറ് ഖദീജ ഷെരീഫ്, അധ്യാപകർ, വിദ്യാർഥി പ്രതിനിധികൾ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.