*റവന്യൂ വകുപ്പ് അംഗീകരിച്ചു കോട്ടക്കൽ: പുത്തൂർ-ചെനയ്ക്കൽ ബൈപാസ് മൂന്നാം ഘട്ട നിർമാണത്തിന് ഭൂമി ഏറ്റെടുക്കാൻ 6.4 കോടി രൂപയുടെ നിർദേശം റവന്യൂ വകുപ്പ് അംഗീകരിച്ചതായി കെ.കെ. ആബിദ് ഹുസൈൻ തങ്ങൾ എം.എൽ.എ അറിയിച്ചു. 2.3267 ഹെക്ടർ ഏറ്റെടുക്കും. ഒന്നര കിലോമീറ്റർ ദൂരം പൂർത്തിയാക്കാൻ ഭൂമി ഏറ്റെടുക്കാനാണ് 6.4 കോടി അംഗീകരിച്ചത്. കലക്ടർ ചർച്ച നടത്തി വില നിശ്ചയിച്ച് ഭൂമി ഏറ്റെടുക്കും. കഴിഞ്ഞ സർക്കാറിെൻറ കാലത്താണ് ബൈപാസ് മൂന്നാം ഘട്ടത്തിന് 21.75 കോടി അനുവദിച്ചത്. എന്നാൽ ഭൂമി ഏറ്റെടുക്കൽ പ്രക്രിയ സാങ്കേതിക തടസ്സങ്ങളാൽ നിലച്ചിരുന്നു. ബൈപാസ് മൂന്നാം ഘട്ട നിർമാണത്തിന് ഭൂമി ഏറ്റെടുക്കലിന് സാമൂഹികാഘാതപഠനം ഒഴിവാക്കിയിരുന്നു. നിർദിഷ്ട പാത പൂർത്തിയാക്കുന്നതിന് പ്രവർത്തനം വേഗത്തിലാക്കുമെന്ന് എം.എൽ.എ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.