പട്ടാമ്പി: നഗരസഭ ചെയർമാൻ കെ.പി. വാപ്പുട്ടി രാജിവെച്ചു. തിങ്കളാഴ്ച വൈകീട്ട് നഗരസഭ സെക്രട്ടറി കെ.എച്ച്. സീനക്ക് രാജിക്കത്ത് നൽകി. യു.ഡി.എഫ് ധാരണപ്രകാര൦ മുസ്ലിം ലീഗിന് അനുവദിച്ച രണ്ടര വർഷം പൂർത്തിയാവുന്നതിന് ഒരുദിവസം ബാക്കിനിൽക്കെയാണ് രാജി. ചെയർമാ‍െൻറ താൽക്കാലിക ചുമതല വൈസ് ചെയർപേഴ്‌സൻ സി. സംഗീത വഹിക്കും. പട്ടാമ്പി ഗ്രാമപഞ്ചായത്തി‍െൻറ അവസാന പ്രസിഡൻറും നഗരസഭയുടെ പ്രഥമ ചെയർമാനുമാണ് കെ.പി. വാപ്പുട്ടി. നഗരസഭയുടെ വിവിധ പദ്ധതികളുടെ ഉദ്‌ഘാടന ചടങ്ങിൽ അധ്യക്ഷത വഹിച്ച വാപ്പുട്ടി ചടങ്ങ് തീർന്ന ശേഷമാണ് രാജിക്കത്ത് കൈമാറിയത്. ഉദ്‌ഘാടകൻ മന്ത്രി കെ.ടി. ജലീൽ, കാലാവധി തികയും മുമ്പ് അധികാരം വിടാൻ വാപ്പുട്ടി കാണിച്ച സന്നദ്ധത മാതൃകാപരമാണെന്ന് അഭിപ്രായപ്പെട്ടു. ജീവനക്കാരും കുടുംബശ്രീ സി.ഡി.എസ് അംഗങ്ങളും ആശാ വർക്കർമാരും ചെയർമാന് ഉപഹാരം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.