നിലമ്പൂർ: ജില്ല ആശുപത്രിയിലെ രണ്ട് മാസത്തോളമായി അടച്ചിട്ട കാൻസർ വാർഡ് തുറന്ന് പ്രവർത്തിക്കണമെന്ന് ആവശ്യപ്പെട്ട് നിലമ്പൂർ മുനിസിപ്പൽ യൂത്ത് കോൺഗ്രസ് ആശുപത്രിയിലേക്ക് മാർച്ച് നടത്തി. വിദഗ്ധ ഡോക്ടർ അവധിയിൽ പോയതാണ് വാർഡിലെ ചികിത്സ മുടങ്ങാൻ കാരണം. ആശുപത്രി പാലിയേറ്റിവ് വിഭാഗത്തിന് കീഴിൽ കാൻസർ ഒ.പിയും പത്ത് വീതം കിടക്കകളുള്ള രണ്ട് വാർഡുകളുമുണ്ട്. ഡോക്ടർ രണ്ട് മാസത്തെ അവധിയിൽ പോയതോടെ വാർഡ് അടച്ചിടുകയായിരുന്നു. മാർച്ചിന് മൂർഖൻ കുഞ്ഞു, ഷാജഹാൻ പായിമ്പാടം, ഷിജോ മൂത്തേടം, മൂർഖൻ മാനു, ഷിബു പുത്തൻപുരക്കൽ, അർജുൻ, ഉബൈദ് രാമംകുത്ത്, ഷാഫി വല്ലപ്പുഴ, ആസിഫ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.