പെരിന്തല്മണ്ണ: സംസ്ഥാന കൃഷി വകുപ്പ് നാളികേര വികസന പദ്ധതി പ്രകാരം നടപ്പാക്കുന്ന കേരഗ്രാമം പദ്ധതിയില് മണ്ഡലത്തിലെ താഴെക്കോട് പഞ്ചായത്തിനെ ഉള്പ്പെടുത്തിയതായി മഞ്ഞളാംകുഴി അലി എം.എല്.എ അറിയിച്ചു. ഇതിനായി 97.67 ലക്ഷം രൂപ അനുവദിച്ചു. 50.17 ലക്ഷം സംസ്ഥാന പദ്ധതി വിഹിതത്തില് നിന്ന് ലഭിക്കുമ്പോള് 22.50 ലക്ഷം പഞ്ചായത്തും 25 ലക്ഷം എസ്.എഫ്.എ.സി. വഴിയും ലഭ്യമാക്കും. തോട്ടം നനക്കല്, മണ്ണൊരുക്കല്, വളപ്രയോഗം, ഇടവിള, കേടുവന്ന തെങ്ങുകള് മാറ്റിനടൽ, തെങ്ങു കയറ്റ യന്ത്രം, പണിക്കൂലി എന്നീ ഇനങ്ങള്ക്കായി വിവിധ ഘട്ടങ്ങളില് പദ്ധതി പ്രകാരം സബ്സിഡി നല്കും. സംസ്ഥാനത്ത് 79 കേരഗ്രാമം പദ്ധതികളാണ് നടപ്പിലാക്കുന്നത്. കഴിഞ്ഞ വര്ഷം ഏലംകുളം പഞ്ചായത്തിലാണ് പദ്ധതി നടപ്പാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.