നിലമ്പൂർ: പച്ചക്കറി കൃഷിയിൽ സ്വയംപര്യാപ്തത കൈവരിച്ച വഴിക്കടവ് പഞ്ചായത്തിൽ ഞാലിപൂവനും യഥേഷ്ടം. ഗ്രാമപഞ്ചായത്ത്, കുടുംബശ്രീ, കൃഷി വകുപ്പ് എന്നിവയുടെ സഹായത്തോടെയാണ് പദ്ധതി നടപ്പാക്കുന്നത്. ഹെക്ടർ കണക്കിന് ഭൂമിയിലാണ് പച്ചക്കറി കൃഷിയുള്ളത്. പഞ്ചായത്തിെൻറ തരിശ് ഭൂമി പദ്ധതിയിൽ ഉൾപ്പെടുത്തിയ പൂവ്വത്തിപൊയിലിലെ ആശ സംഘകൃഷിയുടെ വാഴത്തോട്ടത്തിൽ പൂവൻ, ഞാലി പൂവൻ എന്നിവ ചൊവ്വാഴ്ച വിളവെടുപ്പ് നടത്തി. അമയോലിക്കൽ സാലിയും മറ്റു വീട്ടമ്മമാരുടെയും കൃഷിയാണിത്. വിളവെടുപ്പ് ഗ്രാമപഞ്ചായത്ത് വൈസ് പ്രസിഡൻറ് പി.ടി. സാവിത്രി ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം പി.ടി. ഉഷ, ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം. മുഹമ്മദ് അഷ്റഫ്, കൃഷി അസി. സുഭാഷ്, യൂസഫ് എന്നിവരും സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.