നിയന്ത്രണംവിട്ട കാർ മരത്തിലിടിച്ച് രണ്ടുപേർക്ക് ഗുരുതര പരിക്ക്

അലനല്ലൂർ: . കാർ യാത്രക്കാരായ എടത്തനാട്ടുകര കാപ്പുപറമ്പ് സ്വദേശി പാലയങ്ങാട്ടുപറമ്പിൽ ഉമ്മറി​െൻറ മകൻ റാഷിദ് (24), പാലക്കാഴി സ്വദേശി കണ്ടപ്പാടി സിബ്ഹത്തുല്ലയുടെ മകൻ മഹ്ഫൂസ് (21) എന്നിവർക്കാണ് ഗുരുതരമായി പരിക്കേറ്റത്. അലനല്ലൂർ കണ്ണംകുണ്ട് റോഡിലെ ഷാപ്പുംപടിയിലാണ് അപകടം. ചൊവ്വാഴ്ച ഉച്ചക്ക് രണ്ടുമണിയോടെ എടത്തനാട്ടുകര ഭാഗത്തുനിന്ന് അലനല്ലൂർ ഭാഗത്തേക്ക് പോവുകയായിരുന്ന കാർ നിയന്ത്രണംവിട്ട് റോഡരികിലെ മരത്തിലിടിക്കുകയായിരുന്നു. ഇടിയുടെ ആഘാതത്തിൽ പൂർണമായും തകർന്ന കാറിൽനിന്ന് ഏറെ പാടുപെട്ടാണ് ഇരുവരെയും പുറത്തെടുത്തത്. തലക്ക് പരിക്കേറ്റ ഇരുവരും പെരിന്തൽമണ്ണ മൗലാന ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. ഫോട്ടോ: അലനല്ലൂർ കണ്ണംകുണ്ട് റോഡിൽ മരത്തിലിടിച്ച് തകർന്ന കാർ