നിലമ്പൂർ: ജെ.സി.ഐ വനിത ചാപ്റ്റർ നിലമ്പൂരിൽ ശനിയാഴ്ച പ്രവർത്തനം തുടങ്ങുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വൈകീട്ട് 6.30ന് നിലമ്പൂർ വ‍്യാപാരഭവനിൽ നടക്കുന്ന ചടങ്ങിൽ പുതിയ ഭാരവാഹികൾ ചുമതലയേൽക്കും. നഗരസഭ ചെയർപേഴ്സൻ പത്മിനി ഗോപിനാഥ് മുഖ‍്യാതിഥിയാകും. ജെ.സി.ഐ സോൺ പ്രസിഡൻറ് അബ്ദുൽ സലാം, മറ്റ് സോൺ ഓഫിസർമാർ, രാഷ്ട്രീയ നേതാക്കൾ, സാമൂഹ‍ികപ്രവർത്തകർ എന്നിവർ പങ്കെടുക്കും. വിവിധ മേഖലകളിൽ കഴിവ് തെളിയിച്ചവരെ ആദരിക്കും. മേഖലയിൽ ജെ.സി.ഐയുടെ കീഴിൽ ആദ‍്യത്തെ വനിത ചാപ്റ്ററാണിത്. കൗൺസിലറും ൈസക്കോളജിസ്റ്റും അധ‍്യാപികയുമായ മീര മേനോനാണ് പ്രഥമ പ്രസിഡൻറ്. അമിത ഷൺമുഖൻ ജനറൽ സെക്രട്ടറിയും സ്നിത ട്രഷററുമാണ്. വ‍്യക്തിവികാസം, സാമൂഹിക വികസനം എന്നീ മേഖലകളിൽ വ്യത്യസ്ത പ്രവർത്തനമാണ് ലക്ഷ‍്യമാക്കുന്നതെന്ന് നേതാക്കൾ പറഞ്ഞു. വാർത്തസമ്മേളനത്തിൽ കെ. കിരാതദാസ്, മീരാമേനോൻ, അമിത ഷൺമുഖൻ, സീമ വിനോദ്, നജ്മൽ ബാബു, ടി. രാജേഷ് കുമാർ, ജാഫർ സാദിഖ്, കെ.ജി. ബിജു എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.