ന്യൂഡൽഹി: മദ്യലഹരിയിൽ അയൽവാസിയെ ഭീഷണിപ്പെടുത്തിയ കേസിൽ പ്രശസ്ത ഫാഷൻ ഡിസൈനർ രോഹിത് ബാലിനെയും മൂന്ന് സുഹൃത്തുക്കളെയും പൊലീസ് അറസ്റ്റ് ചെയ്ത് ജാമ്യത്തിൽ വിട്ടു. ഡൽഹിയിലെ ഡിഫൻസ് കോളനിയിലെ താമസക്കാരനായ ഇഖ്ബാൽ സിങ് നൽകിയ പരാതിയുടെ അടിസ്ഥാനത്തിലാണ് അറസ്റ്റ്. രോഹിത് ബാലിന് പുറമെ സുഹൃത്തുക്കളായ ലളിത് കുമാർ, രമേശ്, പ്രമോദ് എന്നിവരാണ് അറസ്റ്റിലായത്. കാർ പാർക്കിങ്ങിനെ െചാല്ലിയുണ്ടായ തർക്കമാണ് പ്രശ്നത്തിന് കാരണമെന്ന് പൊലീസ് പറഞ്ഞു. ഇതുമായി ബന്ധപ്പെട്ട് കുറച്ചുദിവസമായി ഇരുവരും തമ്മിൽ തർക്കം നിലനിന്നിരുന്നു. വെള്ളിയാഴ്ച രാവിലെ മദ്യലഹരിയിൽ സുഹൃത്തുക്കളുമായെത്തിയ രോഹിത് ബാൽ ഭീഷണിപ്പെടുത്തുകയായിരുന്നുവെന്ന് പരാതിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.