എടക്കര: പോത്തുകല്ലില് ഫര്ണിച്ചര് നിര്മാണശാലക്ക് തീപിടിച്ചു. 20 ലക്ഷം രൂപയുടെ നഷ്ടം. ചെറാട്ടുതൊടിക അലി അക്ബറിന്െറ ഉടമസ്ഥതയില് പോത്തുകല് ടൗണില് പ്രവര്ത്തിക്കുന്ന സി.ടി. ഫര്ണിച്ചറിലാണ് ഞായറാഴ്ച പുലര്ച്ച നാലോടെ തീപിടിച്ചത്. നിര്മാണം പൂര്ത്തിയാക്കിയതും നിര്മാണത്തിലിരിക്കുന്നതുമായ മര ഉരുപ്പടികളാണ് തീയില് കത്തിയമര്ന്നത്. തീ പടരുന്നത് കണ്ട് ഓടിക്കൂടിയ നാട്ടുകാര് അണക്കാന് ശ്രമിച്ചെങ്കിലും വിജയിച്ചില്ല. തുടര്ന്ന് നിലമ്പൂരില്നിന്നും തിരുവാലിയില്നിന്നുമായി എത്തിയ രണ്ട് അഗ്നിശമന യൂനിറ്റുകളിലെ അംഗങ്ങളാണ് രാവിലെ ആറരയോടെ തീ നിയന്ത്രണവിധേയമാക്കിയത്. വൈദ്യുതീകരിക്കാത്ത ഷെഡിലുണ്ടായ തീപിടിത്തത്തിന്െറ കാരണം വ്യക്തമല്ല. 20 ലക്ഷത്തോളം രൂപയുടെ നഷ്ടം കണക്കാക്കുന്നതായി കാണിച്ച് ഉടമ പോത്തുകല് പൊലീസില് പരാതി നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.