മലപ്പുറം: സാഹസിക സഞ്ചാരികള്ക്ക് ഹരം പകര്ന്ന് കോട്ടക്കുന്ന് സാഹസിക പാര്ക്ക് തുറന്നു. സാഹസികത ഇഷ്ടപ്പെടുന്നവര്ക്കായി വിവിധ വിഭാഗങ്ങളിലായി പത്ത് ഉപകരണങ്ങള് പാര്ക്കില് ഒരുക്കിയിട്ടുണ്ട്. കോട്ടക്കുന്നിന്െറ തെക്ക് ഭാഗത്ത് മഴക്കുഴിയോട് ചേര്ന്നാണ് പാര്ക്ക് പ്രവര്ത്തിക്കുന്നത്. മന്ത്രി പി.കെ. കുഞ്ഞാലിക്കുട്ടിയാണ് പാര്ക്കിന്െറ ഉദ്ഘാടനം നിര്വഹിച്ചത്. പി. ഉബൈദുല്ല എം.എല്.എ അധ്യക്ഷത വഹിച്ചു. പി.വി. അബ്ദുല് വഹാബ് എം.പി മുഖ്യാതിഥിയായിരുന്നു. ഡി.ടി.പി.സി സെക്രട്ടറി വി. ഉമ്മര്കോയ, ടൂറിസം ഡെപ്യൂട്ടി ഡയറക്ടര് കെ.എ. സുന്ദരന്, ഡി.ടി.പി.സി എക്സി. കമ്മിറ്റി അംഗങ്ങളായ എം.കെ. മുഹ്സിന്, സി. സുകുമാരന്, എ.കെ.എ. നസീര്, പി.കെ. അസ്ലു എന്നിവര് പങ്കെടുത്തു. സിപ് ലൈന്, ഡബിള് റോപ്, ബര്മ ബ്രിജ്, റോപ് ടണല്, കമാന്ഡോ നെറ്റ്, സ്പൈഡര് നെറ്റ്, സ്ളാക്ക് ലൈന്, സോര്ബ് ബാള് എന്നിവയാണ് പാര്ക്കില് ഒരുക്കിയിരിക്കുന്നത്. കോട്ടക്കുന്ന് സമഗ്ര മാസ്റ്റര് പ്ളാനില് ഉള്പ്പെട്ട പദ്ധതിയാണിത്. ഫീസോടെയാണ് പാര്ക്കിലേക്കുള്ള പ്രവേശം. മാസ്റ്റര് പ്ളാനിലെ മറ്റ് പദ്ധതികളായ സൈക്കിള് ട്രാക്ക്, ബലൂണ് പാര്ക്ക് എന്നിവയും പ്രവര്ത്തനമാരംഭിച്ചിട്ടുണ്ട്. മറ്റു പ്രധാന പദ്ധതികളായ പാര്ട്ടി ഹാള്, മിറാക്കിള് ഗാര്ഡന് എന്നിവയുടെ നിര്മാണം അവസാന ഘട്ടത്തിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.