എടപ്പാള്: കുറ്റിപ്പുറം എം.ഇ.എസ് എന്ജിനീയറിങ് കോളജിലെ യു.ഡി.എസ്.എഫ് നടത്തിവന്ന നിരാഹാര സമരം അവസാനിപ്പിച്ചു. തിങ്കളാഴ്ച പി.ടി.എയുമായി പ്രത്യേക യോഗം നടത്താന് തീരുമാനിച്ചതായി പ്രിന്സിപ്പല് യു.ഡി.എഫ് നേതാക്കളെ അറിയിച്ചതിനെ തുടര്ന്നാണ് രണ്ടുദിവസമായി നടന്ന നിരാഹാര സമരം അവസാനിച്ചത്. പുറത്താക്കിയ അഞ്ചു വിദ്യാര്ഥികളെ തിരിച്ചെടുക്കണമെന്നാവശ്യപ്പെട്ടായിരുന്നു സമരം. യു.ഡി.എസ്.എഫ് നടത്തുന്ന സമരത്തിന് പിന്തുണയുമായി യു.ഡി.എഫും രംഗത്തത്തെി. വിഷയം പരിഹരിക്കണമെന്നാവശ്യപ്പെട്ട് യു.ഡി.എഫ് നേതാക്കളായ ഇബ്രാഹിം മുതൂര്, എം. അബ്ദുല്ലക്കുട്ടി, വി.കെ.എം. ഷാഫി, സിദ്ധീഖ് പന്താവൂര്, അഡ്വ. എ.എം. രോഹിത്, മനീഷ്, രഞ്ജിത് തൊറയാറ്റില്, സാഹിര് മാണൂര് എന്നിവര് പ്രിന്സിപ്പല് അബ്ദുസ്സലാമുമായി ചര്ച്ച നടത്തി. തിങ്കളാഴ്ച നടക്കുന്ന പി.ടി.എ യോഗത്തില് അനുകൂല നിലപാട് ഉണ്ടായില്ളെങ്കില് വിദ്യാര്ഥി സമരം യു.ഡി.എഫ് ഏറ്റെടുക്കുമെന്ന് നേതാക്കള് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.