മങ്കട: ഗതാഗത തിരക്കുള്ള മങ്കട മേലെ ജങ്ഷനിലെ സീബ്രാലൈന് മാഞ്ഞിട്ട് മാസങ്ങള് കഴിഞ്ഞിട്ടും നടപടിയില്ല. ഇതോടെ ജങ്ഷനില് അപകടവും വര്ധിച്ചു. ഞായറാഴ്ച രാവിലെ പത്തരയോടെ റോഡ് മുറിച്ചു കടക്കുന്നതിനിടെ ബൈക്കിടിച്ച് ഒരാള്ക്ക് പരിക്കേറ്റു. മഞ്ചേരി- പെരിന്തല്മണ്ണ സംസ്ഥാനപാതയില് മങ്കട മേലെ ജങ്ഷന്െറ ഇരുഭാഗങ്ങളിലായുള്ള കൂട്ടില് റോഡിലേക്കും മലപ്പുറം റോഡിലേക്കും ധാരാളം യാത്രക്കാര് റോഡ് മുറിച്ചുകിടക്കുന്ന ഭാഗമാണ് അപകട മേഖലയായി മാറിയത്. അഞ്ച് വര്ഷം മുമ്പ് റോഡ് റബറൈസ് ചെയത്പ്പോള് വരച്ച സീബ്രാലൈനുകള് പൂര്ണമായും മാഞ്ഞതോടെ വാഹനങ്ങള് നിയന്ത്രണമില്ലാതെയാണ് ഇതുവഴി കടന്നുപോകുന്നത്. ജങ്ഷനില് പൊലീസ് സാന്നിധ്യമില്ലാത്തതിനാല് ആളുകള്ക്ക് റോഡ് മുറിച്ചുകടക്കാന് ഏറെ പ്രയാസപ്പെടുന്നുണ്ട്. മാസങ്ങള്ക്ക് മുമ്പ് ആനക്കയം-തിരൂര്ക്കാട് ഭാഗങ്ങള്ക്കിടക്ക് മാഞ്ഞുപോയ സീബ്രാലൈനുകളിലും മറ്റും റിഫ്ളക്ടറുകള് സ്ഥാപിച്ചിരുന്നെങ്കിലും മങ്കട മേലെ ജങ്ഷനിലെ സീബ്രാലൈന് അവഗണിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.