കോഴിക്കോട്: ഓണ്ലൈന് ഹോട്ടല് ബുക്കിങ് രംഗത്തെ ഭീമനായ ഓയോ ഹോട്ടല് ആൻഡ് ഹോംസിനെതിരെ കേരള ഹോട്ടൽ ആൻഡ് റസ്റ ്റാറൻറ് അസോസിയേഷൻ നടത്തുന്ന സമരം ചർച്ചകളിലൂടെ ഒത്തുതീർപ്പാക്കാൻ ഓയോ തയാറാകണമെന്ന് കേരള വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി രാജു അപ്സര ആവശ്യപ്പെട്ടു. ഹോട്ടലുടമകള് നേരിടുന്ന പ്രശ്നങ്ങള് കേൾക്കുവാൻ പോലും തയാറാകാത്ത ഓയോ അധികൃതരുടെ നടപടി അപലപനീയമാണ്. ഈ പശ്ചാത്തലത്തിലാണ് കെ.എച്ച്.ആർ.എ സമരത്തിലേക്ക് കടക്കാൻ നിർബന്ധിതരാകാൻ കാരണമെന്നും രാജു അപ്സര പറഞ്ഞു. ഓയോയുടെ ചതി മനസ്സിലാകാതെ അവരുടെ വലയിൽ വീണ് കടക്കെണിയിലാകുന്ന ഉടമകളിൽനിന്ന് ഹോട്ടലുകള് ഓയോ ഏറ്റെടുത്ത് സ്വന്തമാക്കുന്നു. കെ.എച്ച്.ആർ.എയുമായുള്ള ചർച്ചയിൽനിന്നൊഴിഞ്ഞ് ഏകാധിപത്യരീതിയിൽ നീങ്ങാനാണ് ഓയോയുടെ തീരുമാനമെങ്കിൽ കെ.എച്ച്.ആർ.എ നടത്തുന്ന സമരത്തിന് എല്ലാവിധ പിന്തുണയും നൽകി കേരളത്തിലൊരിടത്തും ഓയോയെ പ്രവർത്തിക്കാൻ അനുവദിക്കില്ലെന്നും മുന്നറിയിപ്പുനൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.