നാദാപുരം: നാദാപുരം സി.സി.യു.പി സ്കൂളിൽ നിന്ന് കഴിഞ്ഞ വർഷം വിരമിച്ച അധ്യാപകർ വിദ്യാർഥികൾക്കായി ശുദ്ധജല വിതരണ പദ്ധതി നടപ്പിൽ വരുത്തി. പദ്ധതിയുടെ ഉദ്ഘാടനം തൂണേരി ഗ്രാമപഞ്ചായത്ത് പ്രസിഡൻറ് വളപ്പിൽ കുഞ്ഞമ്മദ് നിർവഹിച്ചു. കഴിഞ്ഞ വർഷം വിരമിച്ച അധ്യാപകരായ കെ. വേണുഗോപാലൻ, അനു പാട്യംസ്, സി. പുഷ്പവല്ലി, സി.എച്ച്. ശ്രീലത എന്നിവരാണ് പദ്ധതി സ്പോൺസർ ചെയ്തത്. വാർഡ് മെംബർ സുജിത പ്രമോദ്, മാനേജർ കെ. ബാലകൃഷ്ണൻ, ഹെഡ്മാസ്റ്റർ ബി. രവീന്ദ്രൻ, കെ. ഹേമചന്ദ്രൻ, കെ. വേണുഗോപാലൻ, കെ. അജിത്ത്, എം.എ. ലത്തീഫ്, രാമദാസൻ, ടി.കെ. രമേശൻ, വി. ഹരിദാസൻ എന്നിവർ പങ്കെടുത്തു. കവിത പ്രകാശനം പുറമേരി: പുറമേരി കടത്തനാട് രാജാസ് ഹൈസ്കൂളിൽ പൂർവ വിദ്യാർഥി വൃന്ദ നമ്പ്യാരുടെ 'തീർഥാടനം' കവിത പുറമേരി കടത്തനാട് രാജാസ് ഹൈസ്കൂളിൽ പ്രധാന അധ്യാപിക എം.കെ. ശോഭക്ക് നൽകി പുറമേരി പഞ്ചായത്ത് പ്രസിഡൻറ് കെ. അച്യുതൻ പ്രകാശനം നിർവഹിച്ചു. പി.ടി.എ പ്രസിഡൻറ് ഇ. ഗംഗാധരൻ അധ്യക്ഷ വഹിച്ചു. ബാലകൃഷ്ണൻ, വൃന്ദ നമ്പ്യാർ, ദിവ്യാ ദിനേശ്, രവി, പ്രഭാകരൻ, ശൈലജ റാണി, ഗിരിജ എന്നിവർ സംസാരിച്ചു. പ്രധാന അധ്യാപിക എം.കെ. ശോഭ സ്വാഗതവും സ്റ്റാഫ് സെക്രട്ടറി ടി. രാധാകൃഷ്ണൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.