കോഴിക്കോട്: എസ്.െഎ വിദ്യാർഥിയെ മർദിച്ച സംഭവത്തിൽ പൊലീസ് കേസ് രജിസ്റ്റർ ചെയ്തില്ല. മലബാർ ക്രിസ്ത്യൻ കോളജ് പ്ലസ്ടു വിദ്യാർഥി എരഞ്ഞിപ്പാലം തേനംവയലിൽ അജയ് (17)നെയാണ് മെഡിക്കൽ കോളജ് എസ്.െഎ എ. ഹബീബുല്ല വ്യാഴാഴ്ച രാത്രി എരഞ്ഞിപ്പാലത്തെ ഹോസ്റ്റലിനടുത്തുവെച്ച് മർദിച്ചത്. പരിക്കേറ്റ അജയ് കഴുത്തിന് ബെൽറ്റിട്ട് ബീച്ച് ആശുപത്രിയിൽ ചികിത്സയിലാണ്. എസ്.െഎ, ഹോസ്റ്റലിൽ താമസിക്കുന്ന പ്രതിശ്രുത വധുവിനെ കാണാനെത്തിയതായിരുന്നു. അസമയത്ത് ഹോസ്റ്റലിനടുത്ത് എസ്.െഎയെ കണ്ടത് ചോദ്യംചെയ്തതിനെ തുടർന്നുള്ള തർക്കമാണ് സംഘർഷത്തിനിടയാക്കിയത്. സംഭവത്തിൽ അജയ്യുടെ ബന്ധുക്കൾ മനുഷ്യാവകാശ കമീഷനും ബാലാവകാശ കമീഷനും പരാതി നൽകിയിട്ടുണ്ട്. തിങ്കളാഴ്ച നടക്കാവ് സി.െഎ അശ്റഫിന് നേരിട്ട് പരാതി നൽകുമെന്ന് അജയ്യുടെ സഹോദരൻ അതുൽ പറഞ്ഞു. അതേസമയം, അജയ്യുടെ മൊഴിയടക്കെമടുത്തുള്ള റിപ്പോർട്ട് കോടതിയിൽ സമർപ്പിച്ചതായി സി.െഎ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.