നാദാപുരം: വിൽപനക്കായി കൊണ്ടുവന്ന കഞ്ചാവുമായി തലശ്ശേരി സ്വദേശിയെ നാദാപുരം എക്സൈസ് സംഘം അറസ്റ്റു ചെയ്തു. തലശ്ശേരി മുഴപ്പിലങ്ങാട് സ്വദേശി എ.സി ഹൗസിൽ ഖാദറാണ് (60) അറസ്റ്റിലായത്. ഇയാളിൽനിന്ന് ചെറിയ പ്ലാസ്റ്റിക് പൊതികളാക്കിയ നിലയിൽ 20 ഗ്രാം കഞ്ചാവ് കണ്ടെത്തി. ബുധനാഴ്ച വൈകിട്ട് കായ്പനച്ചി ബസ്സ്റ്റോപ്പിനടുത്തു നിന്നാണ് ഇയാൾ പിടിയിലായത്. െപേട്രാളിംഗ് നടത്തുകയായിരുന്ന എക്സൈസ് സംഘത്തെ കണ്ട്് പുഴയോരത്തേക്ക് മാറിയ ഇയാളെ പിടികൂടി ചോദ്യം ചെയ്തപ്പോഴാണ് വസ്ത്രങ്ങൽക്കിടയിൽ ചെറിയ പൊതികളിലാക്കി കഞ്ചാവ് കണ്ടെത്തിയത്. തലശ്ശേരിയിലെ മൊത്ത വിതരണക്കാരിൽനിന്നും വാങ്ങിയശേഷം കായ്പനച്ചി, ഇരിങ്ങണ്ണൂർ, തൂണേരി മേഖലകളിൽ വിതരണം ചെയ്യുകയാണ് ചെയ്യുന്നതെന്ന് എക്സൈസ് അധികൃതർ പറഞ്ഞു. നാദാപുരം കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ് ചെയ്തു. അസി. എക്സൈസ് ഇൻസ്പെക്ടർ കങ്കാടത്തിൽ ശ്രീധരൻ, പ്രിവൻറീവ് ഓഫിസർ എ.കെ. ശ്രീജിത്ത്, സി.ഇ.ഒമാരായ പ്രമോദ് പുളിക്കൂൽ, വി.സി. വിജയൻ, കെ. ഷിറാജ്, എൻ.കെ. ഷിജിൽ കുമാർ, ടി. സനു, പ്രജീഷ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.