കോഴിക്കോട്: മദ്യവിൽപനക്കിടെ ഒരാളെ എക്ൈസസ് സംഘം അറസ്റ്റുെചയ്തു. മലാപ്പറമ്പ് കുളങ്ങരക്കണ്ടി ഹരിരാജ വീട്ടിൽ സെൽവരാജ് (44) ആണ് അറസ്റ്റിലായത്. അരക്കിണറിൽനിന്ന് ഫറോക്ക് റേഞ്ച് അസി. എക്സൈസ് ഇൻസ്പെക്ടർ ടി.കെ. നിഷിൽ കുമാറും സംഘവുമാണ് പ്രതിയെ പിടികൂടിയത്. 11 കുപ്പി മദ്യം ഇയാളിൽ നിന്ന് കണ്ടെടുത്തു. ബേപ്പൂർ, നടുവട്ടം, മാറാട് ഭാഗങ്ങളിലെ ആവശ്യക്കാർക്ക് മദ്യം എത്തിച്ചുകൊടുക്കലാണ് ഇയാളുടെ രീതിയെന്ന് എക്സൈസ് വ്യക്തമാക്കി. പ്രതിയുടെ ബൈക്കും കസ്റ്റഡിയിലെടുത്തു. പ്രിവൻറിവ് ഒാഫിസർ ബി. യുഗേഷ്, സിവിൽ എക്ൈസസ് ഒാഫിസർമാരായ ടി. ഗോവിന്ദൻ, എം. ഷിബു, ടി.കെ. രാഗേഷ്, മുഹമ്മദ് അസ്ലം, എക്സൈസ് ഡ്രൈവർ എം.എൻ. അനിൽകുമാർ എന്നിവരടങ്ങിയ സംഘമാണ് ഇയാളെ അറസ്റ്റുചെയ്തത്. പ്രതിയെ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.