വടകര: സി.പി.എം^ആർ.എം.പി.ഐ സംഘർഷം നിയന്ത്രിക്കാനെത്തിയ പൊലീസ് സംഘം സഞ്ചരിച്ച വാഹനം അടിച്ചുതകർത്ത കേസിൽ മൂന്നു സി.പി.എം പ്രവർത്തകർ അറസ്റ്റിൽ. മുട്ടുങ്ങൽ കരകുനി താഴകുനി ജിഷ്ണു (27), കുരിക്കിലാട് എലിമ്പിെൻറകണ്ടിയിൽ വൈകുണ്ഠനാഥ് (24), ചോറോട് ഈസ്റ്റിലെ പിലാക്കാട്ട്മീത്തൽ ജിതിൻ (23) എന്നിവരെയാണ് വടകര ഡിവൈ.എസ്.പിയുടെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ്ചെയ്തത്. ഇക്കഴിഞ്ഞ ചൊവ്വാഴ്ച വൈകീട്ടോടെയാണ് വള്ളിക്കാടുവെച്ച് പൊലീസ് വാഹനം അടിച്ചുതകർത്തത്. സ്ഥലത്ത് സംഘർഷം നടക്കുന്നുവെന്ന വിവരം ലഭിച്ചതിനെ തുടർന്ന് എത്തിയതായിരുന്നു പൊലീസ് സംഘം. പൊതുസ്ഥലത്ത് സ്ഥാപിച്ച രാഷ്ട്രീയ പാർട്ടികളുടെ പ്രചാരണ ബോർഡുകൾ നീക്കംചെയ്യുന്നതുമായി ബന്ധപ്പെട്ട് സി.പി.എം നേതൃത്വവും വടകര എസ്.ഐയും തമ്മിൽ പ്രശ്നങ്ങൾ ഉടലെടുത്തിരുന്നു. ഇതേതുടർന്ന് എസ്.ഐ പി.കെ. ജിജേഷിെന കഴിഞ്ഞ ദിവസം കോഴിക്കോട് ഇേൻറണൽ സെക്യൂരിറ്റിയിലേക്ക് സ്ഥലംമാറ്റിയിരിക്കയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.