നന്മണ്ടയിൽ പ്രതിരോധപ്രവർത്തനങ്ങൾ വഴിപാട്- -കോൺഗ്രസ് നന്മണ്ട: പനിക്കെതിരെ നടത്തുന്ന പ്രതിരോധപ്രവർത്തനങ്ങൾ വഴിപാടായി മാറുന്നുവെന്ന് നന്മണ്ട മണ്ഡലം കോൺഗ്രസ് കമ്മിറ്റി കുറ്റപ്പെടുത്തി. ഇതിൽ പ്രതിഷേധിച്ച് മണ്ഡലം കമ്മറ്റിയുടെ ആഭിമുഖ്യത്തിൽ സായാഹ്ന ധർണ സംഘടിപ്പിച്ചു. രോഗികളുടെ ഏക ആശ്രയമായ താലൂക്കാശുപത്രിയിൽ മതിയായ ഡോക്ടർമാരെ നിയമിച്ചിട്ടില്ല. ലാബ് പരിശോധന നടത്തി ഫലം കൊടുക്കുവാനുള്ള സംവിധാനം പോലും താലൂക്കാശുപത്രിയിലില്ലെന്ന് ധർണ ഉദ്ഘാടനം ചെയ്ത ഡി.സി.സി സെക്രട്ടറി ടി.കെ. രാജേന്ദ്രൻ പറഞ്ഞു. മണ്ഡലം പ്രസിഡൻറ് എ. ശ്രീധരൻ മാസ്റ്റർ അധ്യക്ഷത വഹിച്ചു. ടി.കെ. ബാലൻ, ജയൻ നന്മണ്ട, ഇ. ഷംസുദ്ദീൻ, രാജീവൻ കൊളത്തൂർ, ടി.കെ. രാജൻ നായർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.