വടകര: അഴിയൂർ പഞ്ചായത്തിലെ കുഞ്ഞിപ്പള്ളിയിൽ പൂട്ടിയിട്ട വീട് കുത്തിത്തുറന്ന് കവർച്ച. കുഞ്ഞിപ്പള്ളി മേഘ്ദിറിൽ അബുവിെൻറ വീട് കുത്തിത്തുറന്നാണ് രണ്ടു ലക്ഷം രൂപയും ഒരു പവൻ വീതമുള്ള രണ്ടു സ്വർണ നാണയവും കവർച്ച നടത്തിയത്. വീട്ടുടമ അബു അസുഖം ബാധിച്ച് ഇക്കഴിഞ്ഞ മൂന്നാം തീയതി മുതൽ തലശ്ശേരിയിലെ സ്വകാര്യ ആശുപത്രിയിൽ ചികിത്സയിലാണ്. ഇവരുടെ പരിചരണത്തിനായി ഭാര്യ വീട് പൂട്ടിപ്പോയതായിരുന്നു. വീടിെൻറ പിൻഭാഗത്തെ ഗ്രിൽസും വാതിലും തകർത്ത ശേഷമാണ് മോഷ്ടാവ് അകത്ത് കടന്നത്. കിടപ്പുമുറിയിലെ അലമാരയിൽ സൂക്ഷിച്ച പണവും സ്വർണവുമാണ് കവർന്നത്. ഗ്രിൽസ് തുറന്നിട്ടത് കണ്ട അയൽവാസികളാണ് മോഷണ വിവരം പൊലീസിനെ അറിയിച്ചത്. തുടർന്ന് ആശുപത്രിയിലുള്ള ഇവരെ വിളിച്ചുവരുത്തുകയായിരുന്നു. വീട്ടിലെത്തി നടത്തിയ പരിശോധനയിലാണ് പണവും സ്വർണവും നഷ്ടപ്പെട്ടതറിയുന്നത്. ചോമ്പാൽ പൊലീസ്, വിരലടയാള വിദഗ്ധർ, ഡോഗ് സ്ക്വാഡ് എന്നിവർ സ്ഥലത്തെത്തി പരിശോധന നടത്തി. കേസെടുത്ത് അന്വേഷണം ആരംഭിച്ചതായി ചോമ്പാല എസ്.ഐ അഭിലാഷ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.