പേരാമ്പ്ര: കടിയങ്ങാട് മുസ്ലിം ലീഗ്-യൂത്ത് കോണ്ഗ്രസ് പ്രവര്ത്തകര് ഏറ്റുമുട്ടിയതില് രണ്ടു യൂത്ത് കോണ്ഗ്രസ് പ്രവര്ത്തകര്ക്ക് പരിക്കേറ്റു. അന്വര് (28), റഫീഖ് (30) എന്നിവര്ക്കാണ് പരിക്കേറ്റത്. ഇവര് പേരാമ്പ്ര താലൂക്കാശുപത്രിയില് ചികിത്സയിലാണ്. ശനിയാഴ്ച വൈകീട്ട് മുസ്ലിം ലീഗ് മണ്ഡലം പദയാത്രയുടെ സമാപനത്തിലാണ് സംഘര്ഷമുണ്ടായത്. ലീഗ് പദയാത്രക്കിടെ യൂത്ത് കോണ്ഗ്രസ് പ്രവര്ത്തകന് ബൈക്ക് ഓടിച്ചുകയറ്റിയെന്നും പിന്നീട് കടിയങ്ങാട് പാലത്തിന് സമീപം നടന്ന പൊതുയോഗ സ്ഥലത്തത്തെിയ യൂത്ത് കോണ്ഗ്രസ് പ്രവര്ത്തകരെ മുസ്ലിം ലീഗുകാര് പൊതിരെ തല്ലുകയായിരുന്നുവെന്നും പറയുന്നു. എന്നാല്, ബൈക്കില് വരുകയായിരുന്ന യൂത്ത് കോണ്ഗ്രസ് പ്രവര്ത്തകനെ ജാഥയിലുള്ളവര് തടഞ്ഞുനിര്ത്തി മര്ദിക്കുകയായിരുന്നുവെന്നാണ് യൂത്ത് കോണ്ഗ്രസ് പറയുന്നത്. രണ്ടു മാസം മുമ്പ് മുസ്ലിം ലീഗില്നിന്ന് രാജിവെച്ച് നിരവധിപേര് കോണ്ഗ്രസില് ചേര്ന്നിരുന്നു. ഇതോടെയാണ് ലീഗും കോണ്ഗ്രസും തമ്മില് പ്രശ്നമുടലെടുത്തത്. പരിക്കേറ്റ രണ്ടുപേരും ലീഗില്നിന്ന് രാജിവെച്ച് കോണ്ഗ്രസില് ചേര്ന്നവരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.