അടിമാലി: മോട്ടോര് മോഷ്ടിച്ചെന്നാരോപിച്ച് ആദിവാസി യുവാക്കളെ മർദിച്ച സംഭവത്തില് പൊലീസുകാരന് സസ്പെൻഷൻ. മൂന്നാര് പൊലീസ് സ്റ്റേഷനിലെ സിവില് പൊലീസ് ഓഫിസര് വി.ജി. ദിലീപിനെയാണ് ജില്ല പൊലീസ് മേധാവി കെ.ബി. വേണുഗോപാല് സസ്പെൻഡ് ചെയ്തത്. ഇടുക്കി സ്പെഷല് ബ്രാഞ്ച് ഡിവൈ.എസ്.പി മോഹന്ദാസിെൻറ റിപ്പോര്ട്ടിെൻറ അടിസ്ഥാനത്തിലാണ് നടപടി. ഞായറാഴ്ച ദിലീപിനെതിരെ പൊലീസ് കേസ് എടുത്തിരുന്നു. മാങ്കുളം താളുംകണ്ടം ആദിവാസി കോളനിയിലെ അയ്യപ്പന്ഗോപി (30), വിജയന് രാജു(35), രാജേഷ് തേവന് (30) എന്നിവരെ മർദിച്ചതായാണ് പരാതി. ഇവര് അടിമാലി താലൂക്ക് ആശുപത്രിയില് ചികിത്സിലാണ്. മൂന്നാര് സി.ഐ സാംജോസ് അടിമാലി താലൂക്ക് ആശുപത്രിയിലെത്തി മൊഴിയെടുത്ത ശേഷമാണ് പൊലീസുകാരനെതിരെ കേസ് എടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.