ബദിയടുക്ക: വീട്ടുപറമ്പില് സൂക്ഷിച്ച 120 ലിറ്റര് സ്പിരിറ്റും 385 കുപ്പി വിദേശമദ്യവും പിടികൂടി. ഒരാളെ പിടികൂടി. സീതാംഗോളിക്ക് സമീപത്തെ സൂരംബയല് നാരായണ പൂജാരി (51)യെയാണ് ബദിയടുക്ക എക്സൈസ് സംഘം പിടികൂടിയത്. ചൊവ്വാഴ്ച രാവിലെയാണ് സംഭവം. സ്പിരിറ്റും മദ്യവും കടത്തിക്കൊണ്ടുവന്ന് വന്തോതില് വിറ്റഴിക്കുന്നതായ രഹസ്യ വിവരത്തെ തുടര്ന്നാണ് റെയ്ഡ് നടത്തിയത്. പറമ്പില് കുഴിയെടുത്താണ് സ്പിരിറ്റും മദ്യവും സൂക്ഷിച്ചിരുന്നത്. 30 ലിറ്റര് വീതമുള്ള നാല് കന്നാസുകളിലായി സൂക്ഷിച്ച സ്പിരിറ്റും 180 മില്ലിയുടെ 385 കുപ്പി ഗോവ നിര്മിത മദ്യവുമാണ് കണ്ടത്തെിയത്. എക്സൈസ് ഇന്സ്പെക്ടര് ജി. കൃഷ്ണകുമാര്, പി. ഗോവിന്ദന്, എം.കെ. രവീന്ദ്രന്, മുഹമ്മദ്കുഞ്ഞി, ഡ്രൈവര് കുഞ്ഞിരാമന് എന്നിവരടങ്ങിയ സംഘമാണ് ഇയാളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.