കാസര്കോട്: ദേശസാത്കൃത പാതയായ പരവനടുക്കം-ദേളി റൂട്ടില് ബസുകള് കുറഞ്ഞതിനാല് യാത്രാക്ളേശം രൂക്ഷം. ചെമ്മനാട് ഗവ. ഹയര് സെക്കന്ഡറി സ്കൂള്, ആലിയ സീനിയര് സെക്കന്ഡറി സ്കൂള്, ആലിയ അറബിക് കോളജ്, സഅദിയ അറബിക് കോളജ്, ഹയര് സെക്കന്ഡറി സ്കൂള്, സഅദിയ ആശുപത്രി, ഗവ. മോഡല് റെസിഡന്ഷ്യല് സ്കൂള് തുടങ്ങിയ സ്ഥാപനങ്ങളും മറ്റു സര്ക്കാര്സ്ഥാപങ്ങളും ഈ റൂട്ടിലാണ്. ലിമിറ്റഡ് സ്റ്റോപ് ബസുകള് ഇതുവഴി ഓടുന്നില്ല. കാഞ്ഞങ്ങാട് ഭാഗത്തേക്ക് പോകേണ്ടവര് മേല്പറമ്പില്പോയി ബസ് മാറിക്കയറണം. കാഞ്ഞങ്ങാട്-കാസര്കോട് തീരദേശറൂട്ടിലെ ബസുകളെല്ലാം മേല്പറമ്പ് ചളിയങ്കോട് വഴിയാണ് പോകുന്നത്. കെ.എസ്.ടി.പി റോഡില് ചളിയങ്കോട് പാലത്തിന്െറ നിര്മാണം നടക്കുമ്പോള് ഈ റൂട്ടിലെ മുഴുവന് ബസുകളും ദേളി-പരവനടുക്കം വഴിയാണ് സര്വിസ് നടത്തിയിരുന്നത്. എന്നാല്, പാലംപണി പൂര്ത്തിയായതോടെ ഈ വഴി ഓടിയിരുന്ന ബസുകള് പുതിയ റോഡിലൂടെയാണ് പോകുന്നത്. ചട്ടഞ്ചാല്, ചെമ്പരിക്ക എന്നിവിടങ്ങളിലേക്കുള്ള അപൂര്വം ബസുകള് മാത്രമാണ് ദേളിവഴി ഓടുന്നത്. യാത്രാപ്രശ്നത്തിന് എത്രയുംപെട്ടെന്ന് പരിഹാരം കാണണമെന്നാവശ്യപ്പെട്ട് അധികൃതര്ക്ക് നിവേദനം നല്കുമെന്ന് പഞ്ചായത്തംഗം ഗീതാ ബാലകൃഷ്ണന് പറഞ്ഞു. ഡിപ്പോയില് ബസുകള് കുറവായതുകൊണ്ടാണ് പരവനടുക്കം-ദേളി റൂട്ടില് വേണ്ടത്ര ബസുകള് അനുവദിക്കാന് കഴിയാഞ്ഞതെന്ന് കെ.എസ്.ആര്.ടി.സി അധികൃതര് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.