അഞ്ചരക്കണ്ടി: അപകടം തുടർക്കഥയാവുകയാണ് തട്ടാരി ജങ്ഷനിൽ. കഴിഞ്ഞ ഒരു മാസത്തിനിടെ ചെറുതും വലുതുമായ നിരവധി അപകടങ്ങളാണ് തട്ടാരി ടൗണിലുണ്ടായത്. ഇന്നലെ പുലർച്ച രണ്ട് കാറുകൾ തമ്മിൽ കൂട്ടിയിടിച്ചു. കണ്ണൂർ വിമാനത്താവളത്തിലേക്കുള്ള നിരവധി വാഹനങ്ങളാണ് അപകടത്തിൽപെടുന്നത്. നാലു ഭാഗങ്ങളിൽ നിന്നും വാഹനങ്ങൾ ചീറിപ്പാഞ്ഞ് വരുന്ന ജങ്ഷനിലാണ് അപകടങ്ങൾ തുടർക്കഥയാവുന്നത്. അപകടം പതിവാകുന്ന ടൗണിൽ സുരക്ഷാ സംവിധാനങ്ങൾ ഒരുക്കണമെന്ന് ആവശ്യപ്പെട്ട് എസ്.കെ.എസ്.എസ്.എഫ് അഞ്ചരക്കണ്ടി ശാഖ, മേഖല കമ്മിറ്റികൾ കലക്ടർക്കും മറ്റ് അധികൃതർക്കുമൊക്കെ പരാതി കൊടുത്തിരുന്നു. അടിയന്തരമായി വേണ്ട നടപടികൾ സ്വീകരിക്കണമെന്നാണ് നാട്ടുകാർ പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.