കമ്പിൽ: ടി.സി ഗേറ്റിനു സമീപം . നാറാത്തെ ആമേരി ദേവരാജൻെറ വീട്ടിലാണ് മോഷണ ശ്രമം നടന്നത്. ശനിയാഴ്ച അർധരാത്രിയോടെ വീടിൻെറ പിറകുവശത്തെ വാതിൽ കുത്തിത്തുറന്ന് മോഷ്ടാക്കൾ അകത്തുകയറുകയായിരുന്നു. ഇരുനില വീടിൻെറ താഴത്തെ നിലയിലെയും മുകൾ നിലയിലെയും അലമാരകൾ തകർത്ത് തുണികളും മറ്റും വാരിവലിച്ചിട്ട നിലയിലാണുള്ളത്. ദേവരാജനും കുടുംബവും വിദേശത്താണുള്ളത്. ദേവരാജൻെറ സഹോദരൻ ആമേരി ബാബുരാജ് മയ്യിൽ പൊലീസിൽ പരാതി നൽകി. തുടർന്ന് എസ്.ഐ വി.ആർ. വിനീഷിൻെറ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. കണ്ണൂരിൽനിന്നെത്തിയ ഡോഗ് സ്ക്വാഡ് വീടിൻെറ പിറകുഭാഗത്തേക്ക് അര കിലോമീറ്റർ ദൂരം പോയി. വിരലടയാള വിദഗ്ധൻ യു. പ്രവീൺദാസും സംഘവും പരിശോധന നടത്തി. പരിശോധനയിൽ വീട്ടിൽനിന്ന് ഒന്നും നഷ്ടപ്പെട്ടിട്ടില്ലെന്നാണ് പ്രാഥമിക നിഗമനമെന്ന് എസ്.ഐ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.