മാഹി: റിട്ടയർ ചെയ്ത് രണ്ട് ദശാബ്ദങ്ങൾ പിന്നിട്ടിട്ടും 80കാരന് അവകാശപ്പെട്ട പുതുക്കിയ പെൻഷൻ ലഭിച്ചില്ല. പുതുച് ചേരി ആരോഗ്യവകുപ്പിൽനിന്ന് വിരമിച്ച വയലളത്തെ കാരായി ഭാസ്കരനാണ് ഈ ദുർഗതി. കേന്ദ്ര-സംസ്ഥാന സർക്കാറുകൾക്കും മാറിമാറിവന്ന ഭരണാധികാരികൾക്കും നിരന്തരമായി പരാതികളയച്ചിട്ടും പരിഹാരമായില്ല. ആരോഗ്യവകുപ്പിൻെറ മാഹി മേഖലയിൽനിന്ന് വിരമിച്ച ഇദ്ദേഹം വാർധക്യസഹജമായ രോഗത്താലും ശാരീരികാവശതകളാലും ഏറെ പ്രയാസപ്പെടുകയാണ്. 2015ൽ ആറു മാസത്തിനകം പ്രശ്നം പരിഹരിക്കണമെന്ന് സുപ്രീംകോടതി നിർദേശിച്ചിട്ടും സംസ്ഥാന സർക്കാർ ഇക്കാലമത്രയായിട്ടും നടപടിയെടുത്തില്ല. ലഫ്. ഗവർണർ ഡോ. കിരൺ ബേദിയോട് വിഡിയോ കോൺഫറൻസിലൂടെ ഭാസ്കരൻ പരാതി പരിഹാരം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.