ടി.പി. നസീബ്
കണ്ണൂർ: 12 വയസ്സുകാരനെ ലൈംഗികമായി പീഡിപ്പിച്ച കേസിൽ മദ്റസ അധ്യാപകന് 30 വർഷം കഠിനതടവും ലക്ഷംരൂപ പിഴയും. മലപ്പുറം കൂട്ടായി തിരുത്തിപ്പറമ്പിൽ വീട്ടിൽ ടി.പി. നസീബിനെയാണ് (39) കണ്ണൂർ അതിവേഗ പ്രത്യേക കോടതി ജഡ്ജി എം.ടി. ജലജാറാണി ശിക്ഷിച്ചത്. പിഴയടച്ചില്ലെങ്കിൽ അഞ്ചുമാസം കൂടി തടവ് അനുഭവിക്കണം.
2023 മേയ് മുതൽ 2024 സെപ്റ്റംബർ വരെ യുവാവ് പഴയങ്ങാടി മേഖലയിലെ മദ്റസയിൽ പഠിപ്പിക്കുന്ന കാലത്താണ് പീഡനം. കുട്ടിയെ അഞ്ചാറുതവണ ലൈംഗികമായി പീഡിപ്പിച്ചെന്നാണ് കേസ്. പരിയാരം ഇൻസ്പെക്ടർ എം.പി. വിനീഷ് കുമാറാണ് കുറ്റപത്രം സമർപ്പിച്ചത്. പ്രോസിക്യൂഷനുവേണ്ടി സ്പെഷൽ പബ്ലിക് പ്രോസിക്യൂട്ടർ കെ.പി. പ്രീത കുമാരി ഹാജരായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.