പയ്യന്നൂർ: ഓപണ് ഫ്രെയിം ഫിലിം സൊസൈറ്റിയുടെ ആഭിമുഖ്യത്തില് പയ്യന്നൂരില് മൂന്നു ദിവസത്തെ തുനീഷ്യന് ചലച്ചി ത്രമേള സംഘടിപ്പിക്കുന്നു. 28, 29, 30 തീയതികളില് പയ്യന്നൂര് ബോയ്സ് ഹൈസ്കൂള് ഹാളില് നടക്കുന്ന മേളയില് ദിവസവും വൈകീട്ട് നാലിനും ആറിനുമായി രണ്ടു സിനിമകള് വീതം ആറു സിനിമകള് പ്രദര്ശിപ്പിക്കും. സമീപകാലത്ത് ലോകസിനിമയില് ശ്രദ്ധിക്കപ്പെട്ട ഒട്ടേറെ സിനിമകള് ഉണ്ടായിട്ടുള്ള തുനീഷ്യയില്നിന്ന് മുല്ലപ്പൂ വിപ്ലവാനന്തരം ഉണ്ടായിട്ടുള്ള ചിത്രങ്ങളാണ് മേളയില് ഉള്പ്പെടുത്തിയിട്ടുള്ളത്. തുനീഷ്യന് എംബസി ഫെഡറേഷന് ഓഫ് ഫിലിം സൊസൈറ്റീസ് ഓഫ് ഇന്ത്യയുമായി സഹകരിച്ച് ഇന്ത്യയിലെ പ്രമുഖ നഗരങ്ങളില് നടത്തുന്ന മേളയുടെ ഭാഗമായാണ് പയ്യന്നൂരിലും ഈ സിനിമകളുടെ പ്രദര്ശനം നടത്തുന്നത്. നാസര് ഖമിര് സംവിധാനം ചെയ്ത വിസ്പറിങ് സാന്ഡ്സ് ആണ് ഉദ്ഘാടനചിത്രം. മേളയിലേക്ക് പ്രവേശനം സൗജന്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.