തലശ്ശേരി: സൈദാർപള്ളി പരിസത്തെ കുഞ്ഞാലിമരക്കാർ പാർക്കിൽ എല്.ഡി.എഫ് പൊതുയോഗം നടത്തിയതിനെതിെര യു.ഡി.എഫ് കണ്വീനര് സി.ടി. സജിത്ത് സബ്ഡിവിഷനല് മജിസ്ട്രേറ്റിന് പരാതി നല്കി. നഗരസഭയുടെ ഉടമസ്ഥതയിലുള്ള പാര്ക്കില് എല്.ഡി.എഫ് കൊടിതോരണങ്ങളും മറ്റും കെട്ടി പൊതുയോഗം നടത്തുന്നത് നഗരസഭയുടെ അനുമതി ഇല്ലാതെയാണെന്നാണ് പരാതി. പാര്ക്കുകളില് രാഷ്ട്രീയപാര്ട്ടികളുടെ യോഗം സംഘടിപ്പിക്കാന് നഗരസഭ ചെയര്മാന് നേരിട്ട് അനുമതി നല്കാന് അധികാരമില്ലെന്ന് വിവരാവകാശ നിയമപ്രകാരം ലഭിച്ച മറുപടിയില് പറയുന്നുണ്ടെന്ന് യു.ഡി.എഫ് നേതാക്കള് പറഞ്ഞു. പാർക്ക് കൈയേറി യോഗം നടത്തിയവർക്കെതിരെ നടപടി സ്വീകരിക്കണമെന്ന് യു.ഡി.എഫ് മണ്ഡലം കമ്മിറ്റി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.