തലശ്ശേരി: സഹോദരിമാരെ കാറിൽ ക്ഷണിച്ചുകയറ്റി അപമാനിച്ചുവെന്ന പരാതിയിൽ ആശുപത്രി കാൻറീൻ നടത്തിപ്പുകാരനെയും സഹായിയായ സുഹൃത്തിനെയും കോടതി റിമാൻഡ് ചെയ്തു. തലശ്ശേരിയിലെ സ്വകാര്യ ആശുപത്രി കാൻറീൻ ഉടമ ചൊക്ലിയിലെ സാജിദ് (38), കാൻറീൻ സഹായിയായ മേനപ്രത്തെ കെ.കെ. ഷെഫിൻ (29) എന്നിവരാണ് പോക്സോ വകുപ്പിൽ റിമാൻഡിലായത്. ആശുപത്രിക്കടുത്ത വീട്ടിലെ 24കാരി യുവതിയാണ് പരാതിക്കാരി. യുവതിയെയും പതിേനഴുകാരിയായ അനുജത്തിയെയും കാറിൽ വിളിച്ചുകയറ്റി അപമാനിച്ചുവെന്ന പരാതിയിൽ സാജിദിനെയാണ് തലശ്ശേരി പൊലീസ് ആദ്യം അറസ്റ്റ് ചെയ്തത്. വിശദമായ ചോദ്യംചെയ്യലിൽ പ്രതികൾ പ്രായപൂർത്തിയാകാത്ത പതിനേഴുകാരിയെയും കൈക്ക് കടന്നുപിടിച്ചെന്ന് തെളിഞ്ഞതോടെയാണ് ഷെഫിനെയും പ്രതിയാക്കി കേസെടുത്ത് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.