പാനൂർ: പാനൂർ എലാങ്കോടുനിന്ന് മൂന്നു നാടൻ ബോംബ് കണ്ടെത്തി. എലാങ്കോട് കാരോൾ എൽ.പി സ്കൂളിനു സമീപമുള്ള കനാലിൽ സഞ്ചിയിൽ സൂക്ഷിച്ചനിലയിലായിരുന്നു. പാനൂർ പൊലീസും കണ്ണൂരിൽനിന്നെത്തിയ ബോംബ് സ്ക്വാഡും നടത്തിയ പരിശോധനയിലാണ് ബോംബുകൾ കണ്ടെത്തിയത്. കഴിഞ്ഞ ദിവസങ്ങളിലായി ഈസ്റ്റ് എലാങ്കോടുള്ള ആൾതാമസമില്ലാത്ത വീട്ടിൽനിന്നും ഉഗ്രശേഷിയുള്ള ഏഴു ബോംബുകളും സമീപത്തുള്ള പറമ്പിൽ സഞ്ചിയിൽ സൂക്ഷിച്ചനിലയിൽ വടിവാൾ ഉൾപ്പെടെയുള്ള ആയുധങ്ങളും കണ്ടെത്തിയിരുന്നു. കല്ലുവെട്ടുകുഴിയിൽനിന്നും നാലു ബോംബുകളും നിർമാണ സാമഗ്രികകളും പാനൂർ പൊലീസ് പിടിച്ചെടുക്കുകയും ചെയ്തിരുന്നു. ചിലയിടങ്ങളിൽ അക്രമത്തിനു കോപ്പുകൂട്ടുന്നവിധത്തിൽ ബോംബുനിർമാണം നടക്കുന്നതിൽ നാട്ടുകാർ ആശങ്കയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.