പയ്യന്നൂര്: കുന്നരു കാരന്താട്ട് സി.പി.എം പ്രവര്ത്തകന് സി.വി. ധനരാജിനെ വെട്ടിക്കൊലപ്പെടുത്തിയ കേസില് രണ്ട് ആര്.എസ്.എസ് പ്രവര്ത്തകര്കൂടി അറസ്റ്റിലായി. രാമന്തളി മൊട്ടക്കുന്നിലെ കെ. മനൂപ് (22), പയ്യന്നൂരിലെ ചുമട്ടുതൊഴിലാളി മാത്തില് വടശ്ശേരി മണലിലെ എ.വി. നിജേഷ് (28) എന്നിവരെയാണ് കേസന്വേഷിക്കുന്ന പയ്യന്നൂര് സി.ഐ വി. രമേശന് അറസ്റ്റ് ചെയ്തത്. മനൂപിനെ തളിപ്പറമ്പ് ടൗണിലും നിജേഷിനെ വീടിനടുത്തുമാണ് അറസ്റ്റ് ചെയ്തത്. പ്രതികളെ ഇന്ന് കോടതിയില് ഹാജരാക്കും. മനൂപിന് കൊലയില് നേരിട്ട് പങ്കുണ്ടെന്ന് പൊലീസ് പറഞ്ഞു. പ്രതികള്ക്ക് സഞ്ചരിക്കാന് വാഹനം നല്കിയതിനാണ് നിജേഷിനെ അറസ്റ്റ് ചെയ്തത്. മറ്റ് പ്രതികള് കൃത്യം നടത്തുമ്പോള് ഉപയോഗിച്ചത് നിജേഷിന്െറ ബൈക്കാണെന്ന് പൊലീസ് കണ്ടത്തെിയിരുന്നു. നമ്പര്പ്ളേറ്റ് അഴിച്ചുവെച്ച നിലയില് ഈ ബൈക്കും പൊലീസ് കണ്ടെടുത്തിട്ടുണ്ട്. സംഭവത്തില് നാലു പ്രതികളെ നേരത്തേ അറസ്റ്റ് ചെയ്തിരുന്നു. സബ് ജയിലില് റിമാന്ഡില് കഴിയുന്ന ഇവരെ ധനരാജിന്െറ മാതാവും ഭാര്യയും ചൊവ്വാഴ്ച നടന്ന തിരിച്ചറിയല് പരേഡില് തിരിച്ചറിഞ്ഞിരുന്നു. ഇതോടെ കേസിലെ എട്ടു പ്രതികളില് ആറുപേര് അറസ്റ്റിലായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.