ശ്രീകണ്ഠപുരം: ജില്ലയിലെ വിദ്യാലയങ്ങളിലെ പട്ടികജാതി വിഭാഗം വിദ്യാര്ഥികള്ക്ക് നല്കുന്ന പ്രൈമറി എജുക്കേഷന് എയ്ഡ് തുക ഇരിക്കൂര് ബ്ളോക്കിന് കീഴില് ഇനിയും വിതരണം ചെയ്തില്ല. പട്ടികജാതി വികസന വകുപ്പാണ് തുക വിതരണം ചെയ്യേണ്ടത്. മറ്റ് ബ്ളോക്കുകളുടെ പരിധിയിലെ വിദ്യാലയങ്ങളെല്ലാം 2000 രൂപ വീതം വിതരണം ചെയ്തു. പാവപ്പെട്ട പട്ടികജാതി വിദ്യാര്ഥികള്ക്ക് ബാഗ്, കുട, ചെരിപ്പ്, മറ്റ് പഠനോപകരണങ്ങള് എന്നിവ വാങ്ങാന് വേണ്ടിയാണ് പ്രൈമറി എജുക്കേഷന് എയ്ഡ് എന്ന പേരില് 2000 രൂപ നല്കുന്നത്. സര്ക്കാര് കൃത്യമായി എല്ലാ ബ്ളോക്കുകളിലും പണം എത്തിച്ചിട്ടും ഇരിക്കൂര് ബ്ളോക് മാത്രം തുക വിതരണം വൈകിപ്പിച്ചിരിക്കുകയാണെന്ന് സ്കൂള് പ്രധാനാധ്യാപകരും പട്ടികജാതി വിദ്യാര്ഥികളും പറയുന്നു. കഴിഞ്ഞവര്ഷം മുതലാണ് യു.ഡി.എഫ് സര്ക്കാര് ഈ പദ്ധതിക്ക് തുടക്കമിട്ടത്. പഠനോപകരണങ്ങള് വാങ്ങാനുള്ള തുകയായതിനാല് ജൂണ് മാസത്തോടെ തന്നെ കുട്ടികള്ക്ക് നല്കണമെന്ന ആവശ്യവും ഉയര്ന്നിരുന്നു. എന്നാല്, സെപ്റ്റംബര് പകുതിയായിട്ടും തുക ലഭിക്കാത്തതിനാല് പിന്നാക്ക വിഭാഗം വിദ്യാര്ഥികള് ദുരിതത്തിലാവുകയും ചെയ്തു. എന്നാല്, പട്ടികജാതി വിഭാഗം ഓഫിസര് ഇല്ലാത്തതിനാലാണ് തുക നല്കാത്തതെന്നാണ് അധികൃതര് പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.