കേളകം: മലയോരത്തെ ചെറുകിട കര്ഷകരെ പ്രതിസന്ധിയിലാക്കി ഇഞ്ചികൃഷിക്ക് രോഗബാധ. ഇഞ്ചി വളര്ച്ചയുടെ സമയമായപ്പോഴാണ് ഇല മുഴുവന് പഴുത്ത നിലയില് കാണപ്പെട്ടത്. ഫൈറ്റോ തോറ എന്ന കുമിള് രോഗമാണ് പടരുന്നത്. മഴ കനത്തതോടെ അന്തരീക്ഷത്തില് ഈര്പ്പം നിലനില്ക്കുന്നതാണ് രോഗബാധക്ക് കാരണം. ആദ്യം ഇഞ്ചിയുടെ തണ്ടിലാണ് രോഗബാധയുണ്ടാകുക. പിന്നീട് ഇത് കിഴങ്ങ് ഭാഗത്ത് എത്തുകയും ക്രമേണ കിഴങ്ങ് ചീഞ്ഞ് നശിക്കുകയും ചെയ്യും. രോഗം പ്രതിരോധിക്കാന് ബോഡോ മിശ്രിതം കലക്കി ഒഴിക്കുകയോ കുമിള് നാശിനി പ്രയോഗിക്കുകയോ ചെയ്യണം. ഇടവിള കൃഷിയായ ഇഞ്ചിക്കുകൂടി രോഗബാധ കാണപ്പെട്ടതു കര്ഷകരെ ആശങ്കയിലാഴ്ത്തിയിരിക്കുകയാണ്. രോഗബാധക്ക് പുറമെ വിലയിടിവും കര്ഷകരെ പ്രതിസന്ധിയിലാക്കുന്നു. കഴിഞ്ഞ വര്ഷം ഇഞ്ചി കിലോക്ക് 60 രൂപയുണ്ടായിരുന്നത് പകുതിയായി കുറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.