വടുതല: പൊതുമരാമത്ത് വകുപ്പുവക റോഡുകളിലെ അനധികൃത കൈയേറ്റങ്ങളും കടകളുടെ നീട്ടുകളും പൊളിക്കല്‍ നിർത്തിെവച്ചു. വ്യാപാരികൾ കോടതിയെ സമീപിച്ചതിനെത്തുടർന്നാണ് കൈയേറ്റങ്ങൾ പൊളിക്കല്‍ നിർത്തിയത്. വടുതലയിലെ വ്യാപാരികളാണ് ആദ്യം പ്രതിഷേധവുമായി രംഗത്തുവന്നത്. തുറവൂർ-തൈക്കാട്ടുശേരി പാതയിൽ, ചേർത്തല-അരൂക്കുറ്റി റോഡ്, അരൂർ ബൈപാസ്-അരൂർ മുക്കം റോഡ്, കുമ്പളങ്ങി-തുറവൂർ റോഡ് എന്നിവിടങ്ങളിലാണ് ഒഴിപ്പിക്കൽ നടപ്പാക്കാൻ തീരുമാനിച്ചത്. ഇപ്രകാരം തുറവൂർ-തൈക്കാട്ടുശേരി റോഡിലെ കൈയേറ്റങ്ങൾ ഏറക്കുറെ ഒഴിപ്പിച്ചു. ചേർത്തല-അരൂക്കുറ്റി റോഡിനിരുവശവും ഒഴിപ്പിക്കാൻ ശ്രമിക്കുന്നതിനിടെ വ്യാപാരികൾ ഹർത്താൽ നടത്തി. പിന്നീടാണ് ചേർത്തല കോടതിയെ സമീപിച്ചത്. കോടതി ആവശ്യപ്പെട്ടപ്രകാരം നടപടിയുടെ വിവരങ്ങൾ പൊതുമരാമത്ത് കൈമാറിയിരുന്നു. ദിവസങ്ങൾക്കുള്ളിൽ കൈയേറ്റങ്ങൾ ഒഴിപ്പിക്കുന്ന നടപടി പുനരാരംഭിക്കാനും അധികൃതർ നീക്കം നടത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.