ആലപ്പുഴ: അപരിചിതനായ യുവാവിന് വൃക്ക നല്കിയ ലേഖ നമ്പൂതിരിക്ക് ചികിത്സാ ധനസഹായം പൊതുമരാമത്ത് മന്ത്രി ജി. സുധാകരന് കൈമാറി. ചെട്ടികുളങ്ങര കണ്ണമംഗലം വടക്ക് അശ്വതി ഭവനത്തില് എത്തിയാണ് സര്ക്കാര് അനുവദിച്ച മൂന്നുലക്ഷം രൂപ ലേഖക്ക് നല്കിയത്. വൃക്കകളിലൊന്ന് യുവാവിന് നല്കിയ ലേഖ നമ്പൂതിരിയുടെ ഉദാരമനസ്കത സമൂഹശ്രദ്ധ പിടിച്ചുപറ്റിയിരുന്നു. പിന്നീട് രോഗബാധിതയായ ലേഖക്ക് പരസഹായം കൂടാതെ നടക്കാന് കഴിയാത്ത അവസ്ഥയുണ്ടായി. വിദഗ്ധ ചികിത്സക്ക് വലിയ തുകയായി. പലരുടെയും സഹായം അതിനുണ്ടായി. കഴിഞ്ഞ ജൂണ് 10ന് ശസ്ത്രക്രിയ നടത്തിയതോടെയാണ് നടക്കാനായത്. സാമ്പത്തികമായി ബുദ്ധിമുട്ട് അനുഭവിക്കുന്ന കുടുംബത്തിന് മുഖ്യമന്ത്രിയുടെ സഹായമായാണ് തുക അനുവദിച്ചത്. അഡ്വ. യു. പ്രതിഭാഹരി എം.എല്.എ, എ.ഡി.എം എം.കെ. കബീര്, ബ്ളോക് പഞ്ചായത്ത് പ്രസിഡന്റ് കെ. രഘുപ്രസാദ്, പഞ്ചായത്ത് പ്രസിഡന്റ് സി. കൃഷ്ണമ്മ തുടങ്ങിയവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.