കായംകുളം: മോഷണ ബൈക്കില് കാണിക്കവഞ്ചി മോഷണത്തിനായി എത്തിയ മോഷ്ടാവ് വാഹന പരിശോധനക്കിടെ പിടിയിലായി. കോട്ടയം മീനച്ചില് പൂവരണി കൊല്ലക്കോട്ട് പൂവരണി ജോയിയാണ് (48) അറസ്റ്റിലായത്. ശനിയാഴ്ച രാത്രി പാര്ക്ക് ജങ്ഷനില്വെച്ചാണ് പിടികൂടിയത്. നൂറോളം ക്ഷേത്ര മോഷണക്കേസില് പ്രതിയായ ഇയാള് ആറുമാസം മുമ്പാണ് ജയിലില്നിന്നിറങ്ങിയത്. കായംകുളം ഭാഗത്ത് മോഷണം ലക്ഷ്യമാക്കിയാണ് എത്തിയതെന്ന് പൊലീസിനോട് സമ്മതിച്ചു. തിരുവിഴയില് നിന്നാണ് ബൈക്ക് മോഷ്ടിച്ചത്. ഹരിപ്പാട്, കരീലക്കുളങ്ങര, മാഹി, പാലക്കാട്, കരുനാഗപ്പള്ളി, കൊട്ടാരക്കര, മുഹമ്മ, അമ്പലപ്പുഴ, വര്ക്കല പൊലീസ് സ്റ്റേഷന് പരിധികളില് കാണിക്കവഞ്ചി തകര്ത്ത് മോഷണം നടത്തിയിട്ടുണ്ട്. എസ്.ഐ ഡി. രജീഷ്കുമാറിന്െറ നേതൃത്വത്തില് വാഹന പരിശോധന നടത്തവെ സംശയം തോന്നി ചോദ്യം ചെയ്തപ്പോഴാണ് മോഷ്ടാവാണെന്ന് തിരിച്ചറിഞ്ഞത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.