വാഴപ്പിണ്ടി പച്ചടി

ചേരുവകൾ:

• ചെറുതായി അരിഞ്ഞെടുത്ത വാഴപ്പിണ്ടി –ഒരു കപ്പ്
• തേങ്ങ ചിരവിയത് –ഒരു കപ്പ്
• കാന്താരി പച്ചമുളക് –നാല്ലെണ്ണം
• തൈര് –ഒരു കപ്പ്
• കടുക് ചതച്ചത് –അര സ്​പൂൺ
• ഉപ്പ് –ആവശ്യത്തിന്
• വറ്റൽമുളക് –രണ്ട് എണ്ണം
• കറിവേപ്പില –ഒരു തണ്ട്

പാകം ചെയ്യേണ്ടവിധം:
ചെറുതായി അരിഞ്ഞെടുത്ത വാഴപ്പിണ്ടി, തേങ്ങ ചിരവിയത് എന്നിവ കാന്താരിപച്ചമുളകും ചേർത്ത് അരച്ചെടുക്കുക. തൈരും കടുക് ചതച്ചതും ആവശ്യത്തിന് ഉപ്പും ചേർത്ത് നല്ല പോലെ മിക്സ്​ ചെയ്യുക. ചീനച്ചട്ടിയിൽ കുറച്ച് വെളിച്ചെണ്ണ ഒഴിച്ച് കടുക് പൊട്ടിക്കുക, രണ്ട് വറ്റൽമുളക് കറിവേപ്പില വഴറ്റി കറിയിലേക്ക് ചേർക്കുക. (കറി ചൂടാക്കരുത്)

അയച്ചുതന്നത്: ഷംന, മലപ്പുറം