ശാർക്കര പൊങ്കാല നാളെ; ഒരുക്കം പൂർത്തിയായി

ആ​റ്റി​ങ്ങ​ൽ: തിങ്കളാഴ്ച നടക്കുന്ന ശാ​ർ​ക്ക​ര പൊ​ങ്കാ​ലക്ക്​ ഒ​രു​ക്ക​ം പൂ​ർ​ത്തി​യാ​യി. ക്ഷേ​ത്ര​മു​റ്റ​ത്ത് പ്ര​ത്യേ​ക പൂ​ജ​ക​ൾ​ക്ക് ശേ​ഷം ഒ​രു​ക്കു​ന്ന പ​ണ്ടാ​ര അ​ടു​പ്പി​ൽ ക്ഷേ​ത്ര​ത​ന്ത്രി​യു​ടെ മു​ഖ്യ​കാ​ർ​മി​ക​ത്വ​ത്തി​ൽ ക്ഷേ​ത്ര മേ​ൽ​ശാ​ന്തി രാ​വി​ലെ 9.45ന് ​തീ പ​ക​രു​ന്ന​തോ​ടെ​യാ​ണ് പൊ​ങ്കാ​ല ആ​രം​ഭി​ക്കു​ന്ന​ത്. ഉ​ച്ച​ക്ക്​ 12ന് ​ശേ​ഷം ഇ​രു​പ​തി​ലേ​റെ ശാ​ന്തി​ക്കാ​ർ പൊ​ങ്കാ​ല നി​വേ​ദ്യം ന​ട​ത്തും.

ശാ​ർ​ക്ക​ര​യി​ലെ വി​ശാ​ല​മാ​യ പ​റ​മ്പി​ൽ അ​മ്പ​തി​നാ​യി​ര​ത്തി​ല​ധി​കം പൊ​ങ്കാ​ല അ​ടു​പ്പു​ക​ൾ ശ​നി​യാ​ഴ്ച ത​ന്നെ ക്ഷേ​ത്ര ഉ​പ​ദേ​ശ​ക​സ​മി​തി​യു​ടെ മേ​ൽ​നോ​ട്ട​ത്തി​ൽ ക്ര​മീ​ക​രി​ച്ചി​രു​ന്നു. കൂ​ട്ടി​യ അ​ടു​പ്പു​ക​ളി​ൽ പ​ല​രും ക​ല​ങ്ങ​ളി​ൽ പേ​രെ​ഴു​തി അ​വ​രു​ടേ​താ​യ സ്ഥാ​ന​ങ്ങ​ൾ ദി​വ​സ​ങ്ങ​ൾ​ക്ക് മു​മ്പ് ത​ന്നെ ഉ​റ​പ്പി​ച്ചു.

ഇ​തി​നു​പു​റ​മേ സ​മീ​പ​ത്തെ റോ​ഡു​ക​ളും പൊ​ങ്കാ​ല ഭ​ക്ത​രെ​ക്കൊ​ണ്ട് ഞാ​യ​റാ​ഴ്ച നി​റ​യും. അ​ന്യ​ദേ​ശ​ങ്ങ​ളി​ൽ നി​ന്നും ശാ​ർ​ക്ക​ര​യി​ലെ ബ​ന്ധു​വീ​ടു​ക​ളി​ൽ ത​ങ്ങി പൊ​ങ്കാ​ല സ​മ​ർ​പ്പ​ണ​ത്തി​നെ​ത്തു​ന്ന​വ​രും നി​ര​വ​ധി​യാ​ണ്.

ശു​ദ്ധ​ജ​ല വി​ത​ര​ണ​ത്തി​നാ​യി ക്ഷേ​ത്ര കോ​മ്പൗ​ണ്ടി​ന് ചു​റ്റും ടാ​പ്പു​ക​ളും ക്ര​മീ​ക​രി​ച്ചി​ട്ടു​ണ്ട്. ശാ​ർ​ക്ക​ര ക്ഷേ​ത്ര ന​ഗ​രി​യി​ൽ മു​ഖ്യ അ​ല​ങ്കാ​ര ഗോ​പു​ര​ത്തി​ന​ടു​ത്താ​യു​ള്ള ശ്രീ​നാ​രാ​യ​ണ​ഗു​രു ക്ഷേ​ത്ര സ​മി​തി​യു​ടെ നേ​തൃ​ത്വ​ത്തി​ൽ ഭ​ക്ത​ർ​ക്കാ​യി പ്ര​ത്യേ​ക കൗ​ണ്ട​റി​ലൂ​ടെ സം​ഭാ​ര​വും പ​ഴ​വ​ർ​ഗ​ങ്ങ​ളും വി​ത​ര​ണം ചെ​യ്യും. ഇ​തി​നു​പു​റ​മേ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ശാ​ർ​ക്ക​ര​യി​ലും പ​രി​സ​ര പ്ര​ദേ​ശ​ങ്ങ​ളി​ലും ഭ​ക്ഷ​ണം, ദാ​ഹ​ജ​ലം എ​ന്നി​വ സൗ​ജ​ന്യ​മാ​യി ന​ൽ​കും.

ഹ​രി​ത​ച​ട്ടം പാ​ലി​ക്കേ​ണ്ട​തി​നാ​ൽ ആ​ഹാ​ര​വും ദാ​ഹ​ജ​ല​വും വാ​ങ്ങു​ന്ന​വ​ർ പ്ലാ​സ്റ്റി​ക് ഒ​ഴി​വാ​ക്കി ആ​വ​ശ്യ​മാ​യ പാ​ത്ര​ങ്ങ​ൾ ക​രു​ത​ണം. തി​ര​ക്ക് ഒ​ഴി​വാ​ക്കി യാ​ത്ര സു​ഗ​മ​മാ​ക്കാ​ൻ കെ.​എ​സ്.​ആ​ർ.​ടി.​സി ഞാ​യ​റാ​ഴ്ച പ്ര​ത്യേ​ക സ​ർ​വി​സു​ക​ൾ ന​ട​ത്തും. വി​വി​ധ സ​ന്ന​ദ്ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ സൗ​ജ​ന്യ യാ​ത്രാ​സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്.

വ​നി​ത പൊ​ലീ​സു​കാ​രു​ൾ​പ്പെ​ടെ നൂ​റു​ക​ണ​ക്കി​ന് പൊ​ലീ​സ് സേ​ന​യെ ശാ​ർ​ക്ക​ര​യി​ൽ വി​ന്യ​സി​ച്ചി​ട്ടു​ണ്ട്. വ​ലി​യ​ക​ട, മ​ഞ്ചാ​ടി​മൂ​ട്, പ​ണ്ട​ക​ശാ​ല എ​ന്നി​വി​ട​ങ്ങ​ളി​ൽ​നി​ന്ന്​ ശാ​ർ​ക്ക​ര​യി​ലേ​ക്ക് തി​ങ്ക​ളാ​ഴ്ച പു​ല​ർ​ച്ചെ ആ​റു​മു​ത​ൽ ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. ദ​ർ​ശ​ന​ത്തി​നാ​യി ഭ​ക്ത​ജ​ന​ങ്ങ​ൾ വ​ട​ക്കേ​ന​ട വ​ഴി അ​ക​ത്ത് പ്ര​വേ​ശി​ച്ച് പ​ടി​ഞ്ഞാ​റേ​ന​ട വ​ഴി പു​റ​ത്ത് പോ​ക​ണം.

സു​ര​ക്ഷ​ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യി ചി​റ​യി​ൻ​കീ​ഴ് പൊ​ലീ​സ്, ഓ​ൾ കേ​ര​ള ഫോ​ട്ടോ​ഗ്രാ​ഫേ​ഴ്സ് അ​സോ​സി​യേ​ഷ​ൻ ചി​റ​യി​ൻ​കീ​ഴ് യൂ​നി​റ്റ്, ക്ഷേ​ത്ര ഉ​പ​ദേ​ശ​ക​സ​മി​തി എ​ന്നി​വ​രു​ടെ ആ​ഭി​മു​ഖ്യ​ത്തി​ൽ പൊ​ങ്കാ​ല നി​രീ​ക്ഷ​ണ കാ​മ​റ സം​വി​ധാ​നം ക്ഷേ​ത്ര​പ​രി​സ​ര​ത്ത് ഒ​രു​ക്കി​യി​ട്ടു​ണ്ട്.