ഡോ. വിസാസു കേരളം വിടുകയാണ്​, ‘റിയൽ കേരള സ്​റ്റോറി’യുമായി

തി​രു​വ​ന​ന്ത​പു​രം: നാ​ഗാ​ലാ​ൻ​ഡ്​ സ്വ​ദേ​ശി വി​സാ​സു കി​ക്കി​ക്ക്​ ശ​രി​ക്കും ദൈ​വ​ത്തി​ന്‍റെ സ്വ​ന്തം നാ​ടാ​ണ്​ കേ​ര​ളം. മെ​ഡി​ക്ക​ൽ പ​ഠ​ന​ത്തി​ന്‍റെ ഭാ​ഗ​മാ​യി 2013 ആ​ഗ​സ്റ്റി​ൽ ആ​ദ്യ​മാ​യി കോ​ഴി​​ക്കോ​ട് എ​ത്തി​യ അ​ദ്ദേ​ഹം ഒ​ക്​​ടോ​ബ​ർ അ​വ​സാ​ന​ത്തോ​​ടെ വേ​ദ​ന​യും ഗൃ​ഹാ​തു​ര​ത​യു​മാ​യി ​കേ​ര​ളം വി​ടും​.

ഫു​ട്​​ബാ​ൾ ക​ളി​യും സൈ​നി​ക സേ​വ​ന​വും ആ​ഗ്ര​ഹി​ച്ച എ​ട്ടാം ക്ലാ​സു​കാ​ര​ന്​ ത​ന്റെ ആ​ദ്യ ട്രെ​യി​ൻ യാ​ത്ര​യി​ൽ ഇ​ട​തു കാ​ൽ​പ​ത്തി ന​ഷ്ട​പ്പെ​ട്ട​താ​ണ്​ ജീ​വി​തം മാ​റ്റി​മ​റി​ച്ച​ത്. നീ​ങ്ങി​ത്തു​ട​ങ്ങി​യ ട്രെ​യി​നി​ൽ​ ക​യ​റാ​ൻ ശ്ര​മി​ക്കു​ന്ന​തി​നി​ടെ​യാ​യി​രു​ന്നു അ​പ​ക​ടം. സ്വ​പ്ന​ങ്ങ​ളെ​ല്ലാം ത​ക​ർ​ന്ന്​ മാ​സ​ങ്ങ​ളോ​ളം ആ​ശു​പ​ത്രി കി​ട​ക്ക​യി​ൽ. സ്കൂ​ളും കൂ​ട്ടു​കാ​രും പു​സ്ത​ക​ങ്ങ​ളും മാ​റി ഡോ​ക്ട​ർ​മാ​രും ന​ഴ്സു​മാ​രും മ​രു​ന്നു​ക​ളും മാ​ത്ര​മാ​യ ലോ​കം. മു​ത്ത​ച്ഛ​ൻ ഡാ​നി​യേ​ൽ കി​ക്കി​യു​ടെ​യും ഡോ​ക്ട​ർ​മാ​രു​ടെ​യും പി​ന്തു​ണ​യോ​ടെ അ​വ​ൻ കൃ​ത്രി​മ കാ​ലി​ൽ ഫീ​നി​ക്സ് പ​ക്ഷി​യെ​പ്പോ​ലെ ഉ​യ​ർ​ന്നു. ആ ​ആ​ശു​പ​ത്രി കി​ട​ക്ക​യി​ലാ​ണ്​ ഡോ​ക്ട​റാ​കു​ക എ​ന്ന പു​തി​യ സ്വ​പ്ന​ത്തി​ന്​ ചി​റ​കു​മു​ള​ച്ച​ത്.

അ​ഖി​ലേ​ന്ത്യ പ്ര​വേ​ശ​ന പ​രീ​ക്ഷ പാ​സാ​യ​പ്പോ​ൾ കേ​ര​ളം തെ​ര​ഞ്ഞെ​ടു​ക്കാ​ൻ കാ​ര​ണം ഏ​റെ​യു​ണ്ടാ​യി​രു​ന്നു. കോ​ഹി​മ​യി​ൽ അ​യ​ൽ​വാ​സി​ക​ളാ​യ മ​ല​യാ​ളി​ക​ൾ, ജോ​റ്റ്​​സോ​മ​യി​ലെ കോ​ഹി​മ സ​യ​ൻ​സ്​ കോ​ള​ജി​ൽ​നി​ന്ന്​ വി​ര​മി​ച്ച കെ​മി​സ്​​ട്രി അ​ധ്യാ​പി​ക പെ​രി​ന്ത​ൽ​മ​ണ്ണ സ്വ​ദേ​ശി വി​നീ​ത..​അ​ങ്ങ​നെ നി​ര​വ​ധി പേ​രു​ടെ പ്രേ​ര​ണ കേ​ര​ള​ത്തി​ലെ​ത്തി​ച്ചു.

കോ​ഴി​ക്കോ​ട്​ മെ​ഡി​ക്ക​ൽ കോ​ള​ജി​ൽ എം.​ബി.​ബി.​എ​സും തി​രു​​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ എം.​എ​സും പൂ​ർ​ത്തി​യാ​ക്കി ഇ​ന്ത്യ​ൻ റെ​യി​ൽ​വേ​യു​ടെ ക​മ്പ​യി​ൻ​ഡ്​ മെ​ഡി​ക്ക​ൽ സ​ർ​വി​സ്​ പ​രീ​ക്ഷ ജ​യി​ച്ച്​ ഗു​ജ​റാ​ത്തി​ൽ ജോ​ലി​യി​ൽ പ്ര​വേ​ശി​ക്കാ​ൻ ത​യാ​റാ​യി കു​മാ​ര​പു​ര​ത്തെ വ​സ​തി​യി​ലാ​ണ്​ വി​സാ​സു ഇ​പ്പോ​ൾ. നി​പ​യു​ടെ ആ​ദ്യ​വേ​ള​യി​ൽ കോ​ഴി​ക്കോ​ട്​ മെ​ഡി​ക്ക​ൽ കോ​ള​ജി​ലെ ഹൗ​സ് ​സ​ർ​ജ​ൻ​സി സേ​വ​നം വി​വി​ധ ജി​ല്ല​ക​ളി​ലെ പി.​എ​ച്ച്.​സി​ക​ളി​ലെ വൈ​ദ്യ​സേ​വ​ന​വു​മെ​ല്ലാം ഭാ​ഗ്യ​മെ​ന്ന്​ ക​രു​തി ഒ​രു​കൂ​ട്ടം മ​ല​യാ​ളി കൂ​ട്ടു​കാ​രെ​യും നെ​ഞ്ചേ​റ്റി​യാ​ണ്​ ആ ​മ​ട​ക്കം.

‘ഫു​ഡി ഡോ​ക്ട​റെ​ന്ന്​’ സ്വ​യം വി​ശേ​ഷി​പ്പി​ക്കു​ന്ന വി​സാ​സു​വി​ന്‍റെ നാ​വി​ന്​ കോ​ഴി​ക്കോ​​ട്ടെ നൈ​സ്​ പ​ത്തി​രി​യും കോ​ഴി​ക്ക​റി​യും ഉ​ൾ​പ്പെ​ടെ കേ​ര​ള​ത്തി​ലെ എ​രി​വും പു​ളി​യും മ​സാ​ല​യു​മെ​ല്ലാം സ്വാ​ദേ​റും രു​ചി​ക്കൂ​ട്ടാ​ണ്. സ​ന്തോ​ഷ​ത്തോ​ടൊ​പ്പം ന​ഷ്ട​പ്പെ​ടു​ന്ന​ത്​ കേ​ര​ള​ത്തി​​ലെ ഈ ​രു​ചി​ക​ൾ കൂ​ടി​യാ​ണെ​ന്ന്​ പ​റ​യു​ന്നു അ​ദ്ദേ​ഹം. കോ​ഴി​ക്കോ​ട്​ എ​ത്തി മൂ​ന്നാം വ​ർ​ഷം ഭാ​ഷ​യും രു​ചി​യും കാ​ലാ​വ​സ്ഥ​യു​മെ​ല്ലാം വ​രു​തി​യി​ലാ​ക്കി. ഒ​പ്പം അം​ഗ​വൈ​ക​ല്യം അ​തി​ജീ​വി​ച്ച്​ മാ​ര​ത്ത​ൺ ഓ​ട്ടം​കൂ​ടി കാ​ൽ​ക്കീ​ഴി​ലാ​ക്കി​യ​തോ​ടെ കൗ​മാ​ര​കാ​ല​ത്ത്​ ന​ഷ്ട​പ്പെ​ട്ടെ​ന്ന്​ ക​രു​തി​യ കാ​യി​ക സ്വ​പ്​​ന​വും പൂ​വി​ട്ടു.

കാ​ർ​ഗി​ൽ ഹീ​റോ മേ​ജ​ർ ഡി.​പി. സി​ങ്​ ആ​രം​ഭി​ച്ച അം​ഗ​വൈ​ക​ല്യ​മു​ള്ള​വ​ർ​ക്കു​ള്ള ‘ദി ​ച​ല​ഞ്ച്ഡ് വ​ൺ​സ്’ (ടി.​സി.​ഒ) എ​ൻ.​ജി.​ഒ​യു​മാ​യി ബ​ന്ധ​പ്പെ​ട്ട്​​ കൊ​ച്ചി മാ​ര​ത്ത​ണി​ൽ അ​ഞ്ച്​ കി​ലോ​മീ​റ്റ​ർ ദൂ​രം കീ​ഴ​ട​ക്കി. കോ​ഴി​ക്കോ​ട്​ മെ​ഡി​ക്ക​ൽ കോ​ള​ജ്​ ഗ്രൗ​ണ്ടി​ലെ ആ​ദ്യ​കാ​ല പ​രി​ശീ​ല​ന ദി​വ​സ​ങ്ങ​ൾ ക​ഠി​ന​മാ​യി​രു​ന്നു. ഭാ​ര​മേ​റി​യ കൃ​ത്രി​മ​കാ​ൽ ഓ​ട്ട​ത്തി​ന്‍റെ വേ​ഗം കു​റ​ച്ചെ​ങ്കി​ലും പി​ൻ​വാ​ങ്ങി​യി​ല്ല. പി​ന്നീ​ട്​ നി​ര​വ​ധി മാ​ര​ത്ത​ണു​ക​ൾ ഓ​ടി​ത്തീ​ർ​ത്തു. കേ​ര​ള​ത്തി​ലെ റെ​യി​ൽ​വേ ആ​ശു​പ​ത്രി​ക​ളി​​ൽ ഏ​തി​ലെ​ങ്കി​ലും നി​യ​മ​നം ല​ഭി​ച്ചാ​ൽ സ​ന്തോ​ഷ​ത്തോ​ടെ സ്വീ​ക​രി​ക്കു​മെ​ന്ന​ ഉ​റ​പ്പി​ൽ വി​സാ​സു കേ​ര​ളം വി​ടു​ക​യാ​ണ്​; ‘ദ ​റി​യ​ൽ കേ​ര​ള സ്​​റ്റോ​റി’​യു​മാ​യി നി​റ​ഞ്ഞ മ​ന​സ്സോ​ടെ.