പെരിന്തല്മണ്ണ: അങ്ങാടിപ്പുറം തിരുമാന്ധാംകുന്ന് പതിനൊന്നാം പൂരത്തിെൻറ ഭാഗമായി ചൊവ്വാഴ്ച ദേശീയപാതയില് ഗതാഗത നിയന്ത്രണം. ഉച്ചക്ക് ഒന്ന് മുതല് രാത്രി എട്ടുവരെയാണ് ദേശീയപാതയിലും പെരിന്തല്മണ്ണ നഗരത്തിലും നിയന്ത്രണമുള്ളത്.
പാലക്കാട് ഭാഗത്തുനിന്ന് കോഴിക്കോട്ടേക്കുള്ള ഭാരവാഹനങ്ങള് കുമരംപുത്തൂരില്നിന്ന് മേലാറ്റൂർ-പാണ്ടിക്കാട്-മഞ്ചേരി വഴിയും മറ്റു വാഹനങ്ങൾ പൊന്ന്യാകുര്ശി ബൈപ്പാസ് ജങ്ഷനില്നിന്ന് മാനത്തുമംഗലം വഴി പട്ടിക്കാട്-കൂട്ടില് വഴിയും പോകണം.
കോഴിക്കോട് ഭാഗത്തുനിന്നുള്ള ഭാരവാഹനങ്ങള് വള്ളുവമ്പ്രം-മഞ്ചേരി-പാണ്ടിക്കാട്-മേലാറ്റൂര് വഴിയും കോഴിക്കോട്, മലപ്പുറം ഭാഗത്തെ മറ്റു വാഹനങ്ങൾ ഓരാടംപാലത്തുനിന്ന് വലമ്പൂര്, പട്ടിക്കാട് വഴിയും പെരിന്തല്മണ്ണയിലെത്തണം.
വളാഞ്ചേരി, കോട്ടക്കല് ഭാഗത്തുനിന്നുള്ള എല്ലാ വാഹനങ്ങളും പുത്തനങ്ങാടി-മലറോഡ് വഴി പെരിന്തല്മണ്ണയിലേക്ക് വരണം. പെരിന്തല്മണ്ണയില്നിന്ന് കോട്ടക്കല്, വളാഞ്ചേരി ഭാഗത്തേക്കുള്ള എല്ലാ വാഹനങ്ങളും പുലാമന്തോള്, കുരുവമ്പലം, ഓണപ്പുട വഴി പോകണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.