പ​റ​ക്കു​ന്ന് കോ​ള​നി​ക്കാ​ർ പ​റ​യു​ന്നു, ഞ​ങ്ങ​ളും മ​നു​ഷ്യ​രാ​ണ് !!

കി​ളി​മാ​നൂ​ർ: 'ജ​നി​ച്ച​തും വ​ള​ർ​ന്ന​തും ഈ ​കോ​ള​നി പ്ര​ദേ​ശ​ത്താ​ണെ​ന്നു​മാ​ത്രം. പ​ക്ഷേ, ഞ​ങ്ങ​ളും മ​നു​ഷ്യ​രാ​ണ്. എ​ന്തെ​ങ്കി​ലും അ​വ​ശ​ത വ​ന്നാ​ൽ ത​ല​യ്ക്ക് ചു​മ​ക്ക​ണം. ഒ​രി​റ്റ് കു​ടി​വെ​ള്ള​ത്തി​ന് ഏ​റെ​ദൂ​രം താ​ണ്ട​ണം. ഇ​നി​യെ​ന്നാ​ണ് ഇ​തി​നൊ​രു പ​രി​ഹാ​രം?' ചോ​ദി​ക്കു​ന്ന​ത് ന​ഗ​രൂ​ർ പ​ഞ്ചാ​യ​ത്തി​ലെ വെ​ള്ള​ല്ലൂ​ർ വി​ല്ലേ​ജി​ൽ​പെ​ട്ട പ​റ​ക്കു​ന്ന് കോ​ള​നി നി​വാ​സി​ക​ൾ.

കി​ട​പ്പു​രോ​ഗി​യാ​യ ചെ​ല്ല​മ്മ​യെ​യും അം​ഗ​പ​രി​മി​ത​യാ​യ കൊ​ച്ചു​മ​ക​ൾ മ​ഞ്ജു​വി​നെ​യും ആ​ശു​പ​ത്രി​യി​ലെ​ത്തി​ക്കാ​ൻ ബെ​ഡ്ഷീ​റ്റി​ൽ കി​ട​ത്തി എ​ടു​ത്തു​കൊ​ണ്ടാ​ണ് പാ​റ​ക്കു​ന്നി​ലെ വീ​ടു​ക​ളി​ൽ​നി​ന്ന് വ​ണ്ടി പോ​കു​ന്ന റോ​ഡി​ലെ​ത്തി​ക്കു​ന്ന​ത്.

ക​ഷ്​​ടി​ച്ച് ന​ട​ക്കാ​ൻ​മാ​ത്രം ക​ഴി​യു​ന്ന വ​ഴി​യി​ലൂ​ടെ വ​രു​മ്പോ​ൾ പ​ല​പ്പോ​ഴും രോ​ഗി​യെ​യും കൊ​ണ്ട് വീ​ണു​പോ​യി​ട്ടു​ണ്ട്. സ​ങ്ക​ട​ത്തോ​ടെ​യാ​ണ് ബ​ന്ധു​വാ​യ സ്ത്രീ ​ഈ അ​നു​ഭ​വം വി​വ​രി​ക്കു​ന്ന​ത്. ഇ​രു​പ​തി​ലേ​റെ പ​ട്ടി​ക​ജാ​തി കു​ടും​ബ​ങ്ങ​ൾ ക​ഴി​യു​ന്ന പാ​റ​ക്കു​ന്നി​ൽ പ്ര​ദേ​ശ​ത്തി​െൻറ സ​ങ്ക​ടാ​വ​സ്ഥ​യു​ടെ ചു​രു​ക്ക​മാ​ണി​ത്. ഇ​വ​ർ മാ​ത്ര​മ​ല്ല, രോ​ഗ​ദു​രി​ത​ത്തി​ൽ ക​ഴി​യു​ന്ന ച​ന്ദ്രി​ക​യും (50) അം​ഗ​പ​രി​മി ത​യാ​യ ശാ​ന്ത​യും (49) ഇ​വി​ട​ത്തെ വീ​ടു​ക​ളി​ൽ ക​ഴി​യു​ന്ന​വ​രാ​ണ്.

വ​ഴി ദു​രി​ത​ത്തെ​ക്കാ​ൾ ഇ​വ​രി​പ്പോ​ൾ പേ​റു​ന്ന ദു​രി​തം കു​ടി​വെ​ള്ള പ്ര​ശ്ന​മാ​ണ്. വ​ർ​ഷ​ങ്ങ​ൾ​ക്ക് മു​മ്പ്​ ന​ഗ​രൂ​ർ പ​ഞ്ചാ​യ​ത്ത് സ്ഥാ​പി​ച്ച കു​ടി​വെ​ള്ള പ​ദ്ധ​തി​യു​ടെ ര​ണ്ട് ടാ​ങ്ക് മാ​ത്രം ഇ​വി​ടെ കാ​ണാം. ആ​റ് മാ​സ​ത്തി​ലേ​റെ​യാ​യി ടാ​ങ്കി​ൽ വെ​ള്ള​മെ​ത്തു​ന്നി​ല്ല. താ​ൽ​ക്കാ​ലി​ക പ​രി​ഹാ​ര​മാ​യി പ്ര​ദേ​ശ​ത്തു​ണ്ടാ​യി​രു​ന്ന കു​ഴ​ൽ കി​ണ​റി​െൻറ മോ​ട്ടോ​ർ ആ​രോ മോ​ഷ്​​ടി​ച്ചു. പ​മ്പ് ഹൗ​സ് ന​ശി​പ്പി​ച്ച​തും കു​ടി​വെ​ള്ള​പ്ര​ശ്നം കൂ​ടു​ത​ൽ ദു​രി​ത​പൂ​ർ​ണ​മാ​ക്കി.

വെ​ള്ളം ശേ​ഖ​രി​ക്കു​ന്ന​ത് പാ​റ​യ​ടി​വാ​ര​ത്തെ ചെ​റു​കു​ള​ത്തി​ൽ​നി​ന്നാ​ണ്. അ​വി​ടെ​നി​ന്ന് ത​ല​ച്ചു​മ​ടാ​യി പാ​റ ക​യ​റി​യാ​ണ് വെ​ള്ളം വീ​ടു​ക​ളി​ലെ​ത്തി​ക്കു​ന്ന​ത്. പ്ര​ദേ​ശ​വാ​സി​ക​ളി​ൽ ഭൂ​രി​ഭാ​ഗ​വും കൂ​ലി​പ്പ​ണി​ക്കാ​രാ​ണ്. ജോ​ലി​ക്ക്​ പോ​കു​ന്ന​തി​ന് മു​മ്പും പ​ണി ക​ഴി​ഞ്ഞെ​ത്തി​യി​ട്ടും വെ​ള്ളം ശേ​ഖ​രി​ക്ക​ണം. വേ​ന​ലാ​യാ​ൽ വെ​ള്ള​മെ​ടു​ക്കു​ന്ന കു​ളം വ​റ്റും. പി​ന്നെ വെ​ള്ള​മെ​ടു​ക്കാ​ൻ പോ​കു​ന്ന ദൂ​രം കൂ​ടു​ത​ലാ​കും. നി​ല​വി​ലെ കു​ടി​വെ​ള്ള പ​ദ്ധ​തി​യു​ടെ സ്രോ​ത​സ്സു​ക​ളി​ൽ​നി​ന്ന് മ​തി​യാ​യ ജ​ലം ല​ഭി​ക്കാ​ത്ത​താ​ണ് ഇ​ട​യ്ക്കി​ടെ വെ​ള്ളം മു​ട​ങ്ങാ​ൻ കാ​ര​ണ​മ​ത്രെ. പ്ര​ധാ​ന പാ​ത​ക​ളി​ല​ട​ക്കം പൈ​പ്പ് പൊ​ട്ടി ദി​വ​സ​ങ്ങ​ളോ​ളം കു​ടി​വെ​ള്ളം പാ​ഴാ​കു​മ്പോ​ൾ, ഒ​രി​റ്റ് വെ​ള്ള​ത്തി​നാ​യി നെ​ട്ടോ​ട്ട​മോ​ടേ​ണ്ട അ​വ​സ്ഥ​യി​ലാ​ണ് സ്ഥ​ല​വാ​സി​ക​ൾ.